މިއަހަރު މިހާތަނަށް ރާއްޖެއަށް 850،971 ފަތުރުވެރިން ޒިޔާރަތް ކޮށްފައިވާކަމަށް ޓުއަރިޒަމް މިނިސްޓްރީގެ ތަފާސް ހިސާބުތަކުން ދައްކައިފިއެވެ.
ޓުއަރިޒަމް މިނިސްޓްރީން އާންމު ކޮށްފައިވާ ތަފާސް ހިސާބުތަކަށް ބަލާއިރު މިއީ ފާއިތުވި އަހަރާ އަޅާ ބަލާއިރު %11 ގެ ކުރިއެރުމެކެވެ. ފާއިތުވިއަހަރު ރާއްޖެއަށް ޒިޔާރަތް ކޮށްފައިވަނީ 765،134 ފަތުރުވެރިންނެވެ. މިއަހަރު މިހާތަނަށް ވަނީ ފާއިތުވި އަހަރަށްވުރެ 85،837 ފަތުރުވެރިން އިތުރަށް ޒިޔާރަތް ކޮށްފައެވެ.
ރާއްޖެއަށް މިއަހަރު މިހާތަނަށް އެންމެ ގިނައި ޒިޔާރަތް ކޮށްފައިވަނީ ޗައިނާއިންނެވެ. އެގައުމުން 95،263 ފަތުރުވެރިން ވަނީ ޒިޔާރަތް ކޮށްފައެވެ. މިއީ މިއަހަރު ރާއްޖެއަށް މިހާތަނަށް ޒިޔާރަތް ކޮށްފައިވާ ފަތުރުވެރިންގެ %11 އެވެ.
ދެން އެންމެ ގިނައިން ޒިޔާރަތް ކޮށްފައިވަނީ ތިރީގައި މިވާ ގައުމުތަކުންނެވެ.
ރަޝިއާއިން 85،873 ފަތުރުވެރިން
އިނގިރޭސިވިލާތުން 80،962 ފަތުރުވެރިން
އިޓަލީވިލާތުން 73،709 ފަތުރުވެރިން
މިއަހަރު މިހާތަނަށް ރާއްޖެއަށް އެވްރެޖްކޮށް ކޮންމެ ދުވަހަކުވެސް 6،000 އަށްވުރެ ގިނަ ފަތުރުވެރިން ޒިޔާރަތް ކުރަމުންދެއެވެ.
ރާއްޖޭގައި މިވަގުތު ފަތުރުވެރިންނަށް ހިދުމަތް ދިނުމަށް 176 ރިސޯޓާއި 854 ގެސްޓްހައުސްގެ އިތުރުން 148 ސަފާރީ އުޅަނދާއި 15 ހޮޓާ ދަނީ ހިންގަމުންނެވެ.