ކުރިޔަށްދާ 19 ވަނަ ރައްޔިތުންގެ މަޖިލިހުގެ އެންމެ ފަހު ޖަލްސާ މިއަދު ބޭއްވިގެން ދިޔައިރު، އެމަޖިލިހުގެ 5 އަހަރުގެ ދައުރުގައި މަޖިލީހަށް 1291 ބިލް ހުށަހެޅިގެންދިޔަ ކަމަށާއި، އޭގެ ތެރެއިން 1200 ބިލުގެ މަސައްކަތް ނިމިފައިވާކަމަށް މަޖިލީހުން ބުނެފިއެވެ. އެއީ %92.95 ބިލެވެ.
މިއަދު ބޭއްވުނު 19 ވަނަ މަޖިލިހުގެ އެންމެ ފަހު ޖަލްސާއަށްފަހު މަޖިލީހުން އަންމުކުރި ތަފާސް ހިސާބުގައި ބުނެފައިވަނީ، ތަޅުމުގައާއި ކޮމިޓީތަކުގައި 91 ބިލެއްގެ މަސައްކަތް މިދައުރުގައި ކުރިޔަށް ގެންދެވިފައިވާކަމަށެވެ.
މަޖިލީހުގެ މި ދައުރުގެ މަސައްކަތްތައް؛
- ޖުމުލަ 513 ޖަލްސާ – އެއީ 1461 ގަޑިއިރު
- ކޮމިޓީތަކުގެ 3784 ބައްދަލުވުން – އެއީ 4434 ގަޑިއިރާއި 23 މިނެޓް
- 210 ބިލް ހުށަހެޅި، 178 ބިލުގެ މަސައްކަތް ނިންމި
- 92 ގަރާރު ހުށަހެޅި، 73 ގަރާރުގެ މަސައްކަތް ނިންމި
- ސަރުކާރުން 156 މައްސަލަ ހުށަހެޅި، އެއިން 152 މައްސަލައިގެ މަސައްކަތް ނިންމި
- ރިޔާސަތުން 107 މައްސަލަ ހުށަހެޅި، 104 މައްސަލައިގެ މަސައްކަތް ނިންމި
- މެންބަރުން 56 މައްސަލަ ހުށަހެޅި، އެއިން 48 މައްސަލައިގެ މަސައްކަތް ނިންމި
- އެހެނިހެން ގޮތްގޮތުން 156 މައްސަލަ ހުށަހެޅި، 153 މައްސަލަ ނިންމި
- ވަޒީރުންނަށް 405 ސުވާލުކުރަން ހުށަހެޅި، އެއިން 384 ސުވާލުކުރި
- 108 ކުއްލި މައްސަލަ ހުށަހެޅި، ހުރިހާ މައްސަލައެއްގެ މަސައްކަތް ނިންމި
- މެންބަރުންގެ އިމްތިޔާޒާ ގުޅޭ މައްސަލައެއް ހުށަހެޅި، މަސައްކަތް ނުނިމޭ
