ރާއްޖޭގެ ފޮރިން މިނިސްޓަރު މޫސާ ޒަމީރާއި އިންޑިއާގެ އެކްސްޓާނަލް އެފެއާޒް މިނިސްޓަރު އެސް ޖައިޝަންކަރު ބައްދަލު ކުރައްވައި ރާއްޖެ އާއި އިންޑިއާއާ ދެމެދު އޮތް ގުޅުން ބަދަހި ކުރުމާ ގުޅޭ ގޮތުން މިއަދު ދެ ބޭފުޅުން މަޝްވަރާ ކުރައްވައިފިއެވެ.
A pleasure to meet with H.E Dr. @DrSJaishankar, Minister of External Affairs of India, in New Delhi. We reflected on our long history of bilateral partnership shared by mutual respect and understanding.
We exchanged perspectives on increasing engagement and exchanges between… pic.twitter.com/vNxcnzTlfG
— Moosa Zameer (@MoosaZameer) May 9, 2024
ރަސްމީ ދަތުރުފުޅެއްގައި ފޮރިން މިނިސްޓަރު ޒަމީރު އިންޑިއާ އަށް ވަޑައިގެންނެވީ އިއްޔެގެ ވަގުތެއްގައެވެ. އޭނާ މިއަދު ވަނީ ޖައިޝަންކަރުއާ ބައްދަލު ކުރައްވައިފައެވެ.
އެ ބައްދަލުވުމަށް ފަހު ޒަމީރު "އެކްސް" ގައި ކުރެއްވި ޕޯސްޓެއްގައި ވިދާޅުވީ ޖައިޝަންކަރު އާ ބައްދަލު ކުރެއްވުމަކީ ލިބިވަޑައިގެންނެވި އުފަލެއް ކަމަށެވެ. އަދި މި ބައްދަލުވުމުގައި ދެ ގައުމުގެ ޒަމާންވީ ގުޅުމުގެ މައްޗަށް އަލިއަޅުވާލެއްވި ކަމަށް ވެސް ޒަމީރު ވިދާޅުވިއެވެ.
މި ބައްދަލުވުމުގައި ރާއްޖެ އާއި އިންޑިއާއާ ދެމެދު އޮތް ގުޅުން ވަރުގަދަ ކުރުމާ މެދުގައި ވެސް މަޝްވަރާ ކުރެއްވި ކަމުގައި އޭނާ ވިދާޅުވިއެވެ.
މިއީ ރައީސް ޑރ. މުހައްމަދު މުއިއްޒުގެ ސަރުކާރުގެ އިސްވެރިޔަކު އިންޑިއާއަށް ކުރައްވާ ރަސްމީ ފުރަތަމަ ދަތުރުފުޅެވެ.
