ދިވެހިރާއްޖޭގެ ހައިކޯޓުގައި ހިނގަމުންދިޔަ މައްސަލަތަކުގެ ތެރެއިން 99 މައްސަލަ މިއަހަރުގެ ފުރަތަމަ 4 މަސްދުވަހުގެ ތެރޭގައި ނިންމާފައިވާކަން އެކޯޓުގެ ތަފާސްހިސާބުތަކުން ދައްކައިފިއެވެ.
ހައިކޯޓުގެ ތަފާސް ހިސާބުތަކުން ދައްކާ ގޮތުގައި މިއަހަރުގެ ޖެނުއަރީމަހުން ފެށިގެން އެޕްރީލްމަހުގެ ނިޔަލަށް އެކޯޓަށް ހުށަހަަޅާފައިވަނީ 73 މައްސަލައެކެވެ. އޭގެ ތެރެއިން 36 މައްސަލަ ކޯޓުން ބަލައިނުގަންނަން ނިންމާފައިވާއިރު ކޯޓުގައި ރަޖިސްޓްރީ ކޮށްފައިވަނީ 57 މައްސަލައެކެވެ.
މިދިޔަ އަހަރުގެ ފުރަތަމަ ހަތަރު މަހުގެ ތެރޭގައި 132 މައްސަލަ ނިންމާފައިވާއިރު, މިއީ މިދިޔަ އަހަރަށް ވުރެ ގިނަ އަދަދެކެވެ.
ހައިކޯޓުން މިއަހަރު ނިންމި 99 މައްސަލައިގެ ތެރޭގައި ޖިނާއީ 37 މައްސަލައާއި މަދަނީ 35 މައްސަލައާއި ވަޒީފާއާއި ބެހޭ 22 މައްސަލައިގެ އިތުރުން އާއިލީ ކަންކަމާއި ގުޅޭ 2 މައްސަލަ އަދި އިންފޮމޭޝަން ކޮމިޝަނަރުގެ ނިންމުމާއި ގުޅޭ 2 މައްސަލައިގެ އިތުރުން ދުސްތޫރީ 1 މައްސަލަ ހިމެނެއެވެ.
މިއަހަރުގައި އެންމެ ގިނަ މައްސަލަ ހައިކޯޓުން ނިންމާފައިވަނީ ފެބްރުއަރީ މަހުގައެވެ.
