ރޯދަމަސް އައިއިރު، ކުރިން ރޯދަމަހުގެ ގެއްލުނު ރޯދަ ނުހިފިހުރުމުން (ބަލިވެއިނދެ ރޯދަ ހިފުން މަނާވުމުން) އެރޯދަ ހިފާނީ ކިހިނެތްތޯ؟ ނުވަތަ ކަންތައް ކުރާނެގޮތަކީ ކޮބާ؟
الحمدللهوالصلاةوالسلامعلىرسولاللهوعلىآلهوصحبه، أمابعـد:
ރަމަޟާން މަހު ގެއްލޭ ރޯދަ އަނެއް ރަމަޟާން މަސް އައުމުގެ ކުރިން ހިފާ ނިންމަން ޖެހޭނެއެވެ. އަނެއް ރަމަޟާން މަސް އައި އިރުވެސް ނުހިފިވަނީ ބައްޔެއްގެ ސަބަބުން ކަމަށްވަނީނަމަ އެކަމުގައި ދެޙާލަތެއްވެއެވެ. އެއީ:
އޭނާގެ ބައްޔަކީ ފަސޭހަވާނެ ކަމުގެ އުއްމީދެއް ނެތް ބައްޔެއް ކަމަށް ވަނީނަމަ ގެއްލުނު ކޮންމެ ރޯދަ އަކަށް މިސްކީނަކަށް ކާންދޭނީއެވެ. އޭނާގެ ބައްޔަކީ ފަސޭހަވުމުގެ އުއްމީދު އޮތް ބައްޔެއް ނަމަ ބަލި ރަގަޅުވީ ދުވަހަކުން ހިފާނީއެވެ. والله أعلم
