ކާމިޔާބު ފިލްމް "ދެރިޔާ" ގެ ހުނަރުވެރި ޑައިރެކްޓަރު މުހައްމަދު ނިޔާޒު (ޓެޑްރީ) ބެލުންތެރިންނަށް ގެނެސްދޭން ތައްޔާރުވަމުން އަންނަ އޭނަގެ ދެވަނަ ފީޗާ ފިލްމު "ލަސްވިޔަސް" ގެ އައު ޓްރެއިލާ އެއް ދައްކާލައިފި އެވެ.
މި މަހުގެ 12 ގައި ޕްރީމިއާކުރަން ހަމަޖެހިފައިވާ މި ފިލްމަކީ ވަރަށް ކާމިޔާބު ފިލްމް އެއް ގެެނެސްދިން ޓެޑްރީ ގެ ދެވަނަ ފީޗާ އެވެ. އޭނަގެ ފުރަތަމަ އަދި ހަމަ އެކަނި ފީޗާ ފިލްމަކީ 1994 ގެ "ދެރިޔާ" އެވެ.
އެ ފިލްމަށް 30 އަހަރުން ޓެޑްރީ ގެނެސްދޭ "ލަސްވިޔަސް" އަކީ އަސަރު ގަދަ ލޯބީގެ ފިލްމެކެވެ. މީގެ ކާސްޓްގައި އަހުމަދު އީސަ (އާނަންދު) އާއި ވާޝިޔާ މުހައްމަދުގެ އިތުރުން ކުރީގެ ބަތަލާ ނިއުމާ މުހައްމަދުގެ ދަރިފުޅު ޒޯޔާ ހަސަނާ އެކީ ބޮޑު ކާސްޓެއް ހިމެނެ އެވެ.
View this post on Instagram
މި ފިލްމުން މަޝްހޫރު އެކްޓްރެސް މަރްހޫމް ފައުޒިއްޔާ ފެނިގެންދާނެ އެވެ. މީގެ އިތުރުން ރާއްޖޭގެ އެންމެ މަޝްހޫރު އެކްޓަރު ރީކޯ މޫސާ މަނިކްވެސް ފެނިގެންދާނެ އެވެ.
ދިގު މުއްދަތަކަށް ފަހު އަލުން ޑައިރެކްޓަރެއްގެ ގޮޑިގައި ޓެޑްރީ ހަމަޖެހިލި އިރުގައި އޭނާ ގެނެސްދޭ މި ފިލްމް އަކީ ބައްޔަކާ ހަނގުރާމަކުރާ އަންހެން ކުއްޖެއްގެ ވާހަކަ ކިޔައިދޭނެ އެއްޗެކެވެ.
