ރަމަޟާން މަހުގައި ހަގަޑިއިރު ބައިގެ އިމްތިޙާނަކަށް ވަންނަން ޖެހެއެވެ. 45 މިނިޓްގެ ބްރޭކެއް ލިބެއެވެ. މިދިޔަ އަހަރުވެސް ހަމަ މިއިމްތިޙާނުގައި ބައިވެރިވީމެވެ. ނަމަވެސް ރޯދަ އަށް ހުންނަން ޖެހުމުން ޓެސްޓަށް ދޭން ޖެހޭ ސަމާލުކަމެއް ނުދެވުނެވެ. އެހެންކަމުން، ޓެސްޓް އޮންނަ ދުވަހު ރޯދަ ދޫކޮށްލުން ހުއްދަވާނެތޯއެވެ؟
الحمد لله والصلاة والسلام على رسول الله وعلى آله وصحبه، أما بعـد
ބަޔާން ކުރެވިފައިވާ ކަންތައް ތަކަކީ ޝަރްޢީ ގޮތުން ރޯދަ ދޫކޮށްލުން ހުއްދަވާ ވަރުގެ ކަންތައް ތަކެއް ނޫނެވެ. އެހެންކަމުން ރޯދަ ދޫކޮށްލުން ހުއްދަވެގެން ނުވެއެވެ. والله أعلم
