އޮލިމްޕަހުގައި މިހާރު ދައްކަމުން އަންނަ ފިލްމު "ފުރޭތަ" ގެ ވަދާއީ ޝޯތައް މި މަހުގެ 28 އާއި 29 ގައި އޮންނާނެ ކަމަށް ޑާކް ރެއިން އެންޓަޓައިންމަންޓުން ބުނެފި އެވެ.
މިި ފިލްމް އަކީ ދިވެހި މުޖުތަމައުގައި މިހާރު ހުރި އެކި ކަހަލަ މައްސަލަތަށް ދައްކުވައި ދޭ ފިލްމްއެކެވެ. އެހެންވެ މީގެ ވާހަކަ އަކީ މުޖުތަމައުގެ "އަނދިރި ފަރާތުން" ސޮފުހާތަކެކެވެ. މި ފިލްމަކީ ކުށުގެ ވެއްޓާއި އާއިލީ ހާޖާނުގަނޑުތަކާއި ބަދަލުހިފުންތަކާއި ތަޅާފޮޅުން ފަދަ ކަންކަން ފެންނާނެ އެއްޗެކެވެ.
View this post on Instagram
މި ފިލްމަކީ އަލީ ޝިފާއު (ޗިއްޕެ) ޑައިރެކްޓްކޮށް މޮގާ ޕްރޮޑިއުސްކޮށް ފައިވާ އެއްޗެކެވެ. އަދި މި ފިލްމުގެ ސްކްރީންޕްލޭ ލިޔުނީ އަހްމަދު ތޮލާލެވެ. ފިލްމުގެ ފައިޓް ކޮރިއޯގްރަފަރަކީ ކުޅަދާނަ އެކްޓަރު ރަވީ ފާރޫގެވެ.
ބެލުންތެރިންގެ ފަރާތުން ފިލްމަށް މިހާތަނަށް ބޮޑު ތަރުހީބެއް ލިބިފައިވާ އިރު، މިއީ ދިވެހި ފިލްމެއްގެ ޝެޑިއުލް ޝޯތަކެއް ރޯދަ މަހެއްގައި އޮލިމްޕަހުގައި ކުރިއަށް ގެންދާ ފުރަތަމަ ފަހަރުކަން ވެސް ފާހަގަކޮށްލެވެ އެވެ. ރޯދަ މަހުގެ ޝޯތައް ފަށަނީ ރޭގަނޑު 10:00 ގަ އެވެ.
View this post on Instagram
"ފުރޭތަ" ގެ ކާސްޓްގައި ޝަރަފު އަބްދުﷲ، ރަވީ ފާރޫގް، މުހައްމަދު މަނިކު، އަހުމަދު ސައީދު، އަހުމަދު ރިފްޝާން، އަހުމަދު ނާޝިތު، އަލީ ނަދީހު، އައިމިނަތު އަސީލާ އަދި އާދަމް ރިޒްވީ ހިމެނެ އެވެ.
މި ފިލްމް ޕްރީމިއާކުރީ މި މަހުގެ 4 ގަ އެވެ.
