ތ. ވޭމަންޑޫގެ މެޖިސްޓްރޭޓް ކޯޓުން ދޫކޮށްލާފައިވާ އެރަށު އަބުދުލްވައްހާބުގެ ރަށުތެރެއަށް ދޫކޮށްލުމުން ގިނަބައެއްގެ ފާޑުކިއުން މުވައްސަސާތަކަށް އަމާޒުވެފައި ވަނިކޮށް، އޭނާގެ މައްސަލަ އިސްތިއުނާފް ކުރުން އަވަސްކުރުމަށް ޕީޖީއަށް ދަންނަވަމުން ގެންދަވާ ކަމުގައި ރައީސް މުއިއްޒު ވިދާޅުވެއްޖެއެވެ.
މި ދިވެހި މުޖުތަމަޢަކީ އެފަދަ ނުބައި ފަރާތްތަކުގެ ނުބައި ވަކިތަކުން ސަލާމަތްވެފައިވާ މުޖުތަމަޢަކަށް ހެދުމަށް އެންމެން އެކުގައި މަސަކަތް ކުރަމާތޯ!
ގިނަ ބަޔަކު ތުހުމަތު ކޮށްފައިވަނީ ކޯޓުން ދޫކޮށްލި ތ. ވޭމަންޑޫ މީހާ އެރަށު މެޖިސްޓްރޭޓް ކޯޓުން ދޫކޮށްލީ އެ ދާއިރާގެ ސަރުކާރު ކެނޑިޑޭޓްޑަށް ތާއީދު ހޯދުމަށް ސިޔާސީ ނުފޫޒުގެ ބޭނުން ކޮށްގެން ކަމުގައެވެ.
ވޭމަންޑޫ އިން އެ މީހާ ހައްޔަރުކުރީ އުމުރުން 13 އަހަރުގެ އަންހެން ކާފަ ދަރިފުޅަށް ޖިންސީ ގޯނާކުރުމުގެ ކުށުގައި މިދިޔަ އަހަރުގެ އޮގަސްޓުމަހުގެ ތެރޭގައެވެ.
މި މީހާގެ މައްޗަށް ދައުވާ ކުރެވި ޝަރީއަތް ހިނގަމުން ދަނިކޮށް ވޭމަންޑޫ މެޖިސްޓްރޭޓް ކޯޓުން މި މީހާ ދޫކޮށްލީ ޝަރުތުތަކަކާ އެކު އެވެ.
ޖިންސީ ޝިކާރައަށްވި އަންހެން ކުއްޖާ ދިރިއުޅޭ ރަށަށް މި މީހާ ދޫކޮށްލުމާ ގުޅިގެން ސޯޝަލްމީޑިއާގައި އެތައް ބަޔަކު ދަނީ ކަންބޮޑުވުން ފާޅުކުރަމުންނެވެ.
ޕީޖީ އޮފީހުން ބުނީ މި މީހާ ދޫކޮށްލި މައްސަލަ ހައިކޯޓުގައި ވަރަށް އަވަހަށް އިސްތިއުނާފް ކުރާނެ ކަމަށެވެ.
