ދުވަސް ގަނޑަކަށް ފަހު ބަތަލާ އަނުޝްކާ ޝަރުމާ ކުޅުނު ފިލްމް "ޗަކްދާ އެކްސްޕްރެސް" ބެލުންތެރިންނަށް ގެނެސްދެވޭނެ އިރަކާ މެދު ސުވާލު އުފެދިއްޖެ އެވެ.
މި ފިލްމް އަކީ ޝޫޓިންގ ވެސް ނިންމައިފައިވާ ފިލްމްއެކެވެ. މި ފިލްމް ގައި އޭނާ ފެނިގެންދާނީ ކްރިކެޓް ކުޅުންތެރިއެއްގެ ގޮތުގައިއެވެ. ފިލްމްގެ ޝޫޓިން ނިންމި ކަން މިދިއަ ޑިސެމްބަރު މަހު އޭނާ ވަނީ ސޯޝަލް މީޑިއާގައި އިއުލާން ކޮށްފައިއެވެ.
View this post on Instagram
މިއީ އަންހެން ކްރިކެޓް ކުޅުންތެރިޔާ، ޖުލަން ގޯސްވާމީގެ ހަޔާތަށް ނެރޭ ފިލްމެކެވެ. އިންޑިއާގެ އަންހެން ކްރިކެޓް ޓީމުގެ އެންމެ ވަރުގަދަ އެއް ކުޅުންތެރިޔާ ޖުލަންއަކީ އެ ޓީމުގެ ކެޕްޓަން ކަން ވެސް ކޮށްފައިވާ މީހެކެވެ.
އަނުޝްކާ އަކީ އިންޑިއާގެ ގައުމީ ކްރިކެޓް ޓީމުގެ ކެޕްޓަންކަން ކޮށްފައިވާ ވިރާޓް ކޯލީގެ އަންހެނުންނެވެ. އޭނާ ވަނީ އެ ފިލްމުގެ މަސައްކަތް ފެށުމުގެ ކުރިން ޓްރެއިންތަކެއް ވެސް ހަދައިފަ އެވެ.
"ޗަކްދާ އެކްސްޕްރެސް" އަކީ އޭނަގެ ކޮއްކޮ، ކަރްނޭޝް ޝަރުމާގެ ކުންފުނި، ކްލީން ސްލޭޓް ފިލްމްސް އާއި ނެޓްފްލިކްސް ގުޅިގެން ހަދާފައިވާ ފިލްމެކެވެ. އެކަމަކު މިހާރު ދެ ފަރާތުގެ އެއްބަސްވުން ބާތިލުކޮށްފައިވާތީ "ޗަކްދާ އެކްސްޕްރެސް" އޮތީ ވާނުވާގައި ކަމަށާއި ފިލްމު އަވަހަކަށް ބެލުންތެރިންނާ ހަމައަށް އައުމުގެ އުންމީދެއް ނެތް ކަމަށް މީޑިއާއިން އަންނަނީ ބުނަމުންނެވެ.
