ސަރުކާރުގެ ވިސްނުމަކީ ގިރާވަރަށްވެސް އަދި އުތުރު ތިލަފަޅަށްވެސް ވިލިމާލެ ބުރިޖުން ގުޅާލުން ކަމުގައި އިންފްރާސްޓްރަކްޗަރ މިނިސްޓަރ މުއްތަލިބު ވިދާޅުވެއްޖެއެވެ.
އޭނާ މިހެން ވިދާޅުވީ އިންފަރާސްޓްރަކްޗަރ މިނިސްޓްރީން މިހާރު ކުރިޔަށް ގެންދާ މަޝްރޫޢުތަކާއި ގުޅޭގޮތުން މައުލޫމާތު ދެއްވުމަށް މިއަދު ބޭއްވު ނޫސްވެރިންގެ ބައްދަލުވުމުގައި ނޫސްވެރިންނަށް މައުލޫމާތު ދެއްވަމުންނެވެ.
އޭނާ ވުދާޅުވީ ވިލިމާލެ ބުރިޖް ގިރވަރު ާފަޅާއި އަދި އުތުރު ތިލަފަޅާއިހަމައަށް ގުޅާލުމުގެ އަމަލީ އެއްވެސް މަސައްކަތެއް ިުވަގުތު ކުރިޔަށް ނުދިޔަ ނަމަވެސް މިހާރު ކުރިޔަށް ދާ ބުރިޖްގެ މަސައްކަތް ނިމުމާއެކު ދެންހުރި ތަންތަނަށް ބުރިޖް ގުޅާލުމަށް ކުރަންހުރި މަސައްކަތް ސަރުކާރުން ކުރާނެ ކަމުގައެވެ.
މިހާރު އޮތް މަޝްރޫޢުގެ ދަށުން އެފްކޮންސްއިން ކުރިޔަށް ގެންދާ މަޝްރޫޢުގެ ދަށުން ގުޅާލެވޭނީ ތިލަފުއްޓާއި ހަމައަށް. އެހެންނަމަވެސް ކޮންމެވެސް ވަރަކަށް ވާހަކަތަކެއް ދެކެވިފަ ހުރީ ގިރާވަރާއި ހަމައަށް ގުޅާލުމުގެ ވާހަކަތަކެއްވެސް. އެހެންނަމަވެސް އޭގެ އެއްވެސް ކަހަލަ ސްޓަޑީއެއް، ޑިޒައިނެއް ކުރެވިފައެއް ނެތް. ދެން އަޅުގަޑުމެންނަށް އެވަރު މަސައްކަތެއްގެ ޑިޒައިން މަސައްކަތްވެސް ކުރެވޭނީ މި ދަންނަވާ ގޮތަށް ކޮންމެވެސް ބަޔަކާއި ހަވާލުކޮށްގެން، އެތާގެ މެތަމެޓިކްސް ސާވޭތަކާއި ތިއޮރޮޓިކަލް އިންވެސްޓިގޭޝަންތަކާ އެއްޗެހި ހަދާފަ، އެސްޓިމޭޓްތަކެއް ހަދައިގެން.
މުއްތަލިބު ވިދާޅުވިއެވެ.
އޭނާ ވިދާޅުވީ މިވަގުތު އެންމެ ބޮޑު އިސްކަމެއް ދޭނީ މިހާރު ކުރިޔަށްދާ ބުރިޖް މަސައްކަތް ނިންމާލުމަށް ކަމަށާއި، އެމަސައްކަތް ނިމުމުން އެ ބުރި އެހެން ހިސާބުތަކަށް ގުޅާލުމުގެ މަސައްކަތް ކުރިޔަށް ގެންދާނެކަމުގައެވެ.
އެހެންވީމަ މިވަގުތު އަމަލީ މަސައްކަތުގެ އެއްވެސް ކަމެއް ނެތް. އެހެންނަމަވެސް ސަރުކާރުގެ އިންޓެންޝަނަކީ ގިރާވަރަށްވެސް އަދި އުތުރު ތިލަފަޅަށްވެސް ބުރިޖުން ގުޅާލުން. މިހާރު ހުރި ބުރިޖް މަސައްކަތް ނިންމާލުމަކީ އެންމެ ބޮޑު ޕްރިއަރިޓީ. ނިންމާލުމާ އެއްކޮށް އަނެއް ތަންތަން ގުޅާލުމަށްޓަކާވެސް ކުރާންޖެހޭ މަސައްކަތައް އަޅުގަޑުމެން ކުރާނަން.
މިއަދުގެ ނޫސްވެރިންގެ ބައްދަލުވުމުގައި މުއްލަތިބު ވިދާޅުވިއެވެ.
