ކުރިއަށް އޮތް ރައްޔިތުންގެ މަޖިލިހުގެ އިންތިހާބުގައި ވެރިކަން ކުރާ މައި ޕާޓީ، ޕީއެންސީގެ ކެނޑިޑޭޓުންގެ މާލޭ ކެމްޕޭންގެ ޑޯޓުޑޯއަށް ވަޑައިގަތުމަށް ރައީސް މުއިއްޒު ފައްޓަވާފައިވާ ހަރަކާތުގައި މިއަދު މާފަންނު ހުޅަނގު ދާއިރާއަށް ޑޯޓުޑޯއަށް ނިކުންނަވަން ނިންމަވައިފިއެވެ.
އެގޮތުން ރައީސް ޑރ. މުއިއްޒު އެންމެ މިއަދު ބައިވެރިވެވަޑައިގަތުމަށް ހަމަޖެހިފައިވަނީ މާފަންނު ހުޅަނގު ދާއިރާގެ ޑޯޓުޑޯގެ ހަރަކާތުގައެވެ. ހެންވޭރު ހުޅަނގު ދާއިރާ އަށް ޕީއެންސީގެ ޓިކެޓުގައި ވާދަކުރައްވަނީ މުސްތޮއެވެ..
ޕީއެންސީ ބުނެފައިވަނީ މިއަދުގެ ޑޯޓުޑޯ ހަރަކާތް ފެށުމަށް ހަމަޖެހިފައިވަނީ މިއަދު މެންދުރުފަހު 1:45 ގައި އެސްޓީއޯ ހެޑް އޮފީސް ކުރިމަތިން، ކަނބާ އައިސާ ރަނި ހިނގުމުންނެވެ.
ރައްޔިތުންގެ މަޖިލީހުގެ އިންތިހާބު ބޭއްވުމަށް ހަމަޖެހިފައިވަނީ އަންނަމަހުގެ 21 ވަނަ ދުވަހުއެވެ.
ކުރިއަށް އޮތް މަޖިލިސް އިންތިހާބުގައި 600 އެއްހާ ފޮށި އެކި ސަރައްހަދުތަކުގައި ބަހައްޓާނެކަމަށް އިލެކްޝަންސް ކޮމިޝަނުން ވިދާޅުވެއެވެ. އަދި ކޮންމެ ފޮއްޓަކަށް ވޯޓްލާނީ ގިނަވެގެން 600 އެއްހާ މީހުންކަމަށްވެސް އިލެކްޝަން ކޮމިޝަނުން މީގެކުރިން ވަނީ ވިދާޅުވެފައެވެ.
ރައްޔިތުންގެ މަޖިލީހުގެ އިންތިޚާބުގައި 93 ދާއިރާއަކަށް މެމްބަރުން އިންތިހާބުކުރާނެއެވެ. މި އިންތިހާބުގައި ސިޔާސީ ޕާޓީތަކާއި ޕާޓީތަކަށް ނިސްބަތްނުވާ ބޭފުޅުން ހިމެނޭގޮތަށް ޖުމްލަ 371 ކެންޑިޑޭޓުން ވާދަކުރެއެވެ.
ކޮމެންޓު ފޮނުވާ