ދުވަސްތަކަކަށް ފަހު ބޮލީވުޑްގެ މަޝްހޫރު ދެމަފިރިން ކަމުގައިވާ އަޖޭ ދޭވްގަން އާއި ކާޖޮލް އެކުގައި ކުޅޭ ފިލްމް ގެ ނަމަކީ "މާ" ކަމަށް ރިޕޯޓްތަށް ބުނެފިއެވެ.

މި ހާރު ފިލްމްގެ ޝޫޓިންގެ ގެ ބައެއް ވެސް ނިންމައިފައިވާ މި ފިލްމް އަކީ ގިނަ ދުވަސްތަކެއް ފަހުން ދެމަފިރިން އެކުގައި ފެނިގެންދާނެ ފިލްމްއެކެވެ. މި ފިލްމް އަކީ ބިރުވެރި ފިލްމްއެއް ކަމަށް ވެއެވެ.

ފިލްމީ ޚަބަރުތައް ގެނެސްދޭ މީޑިއާތަކުން ބުނީ ދެ ތަރިން އެކީގައި ކުޅެމުން އަންނަ ފިލްމަކީ މިހާރު ސިނަމާތަކުގައި ދައްކަމުން އަންނަ އަޖޭގެ ސުޕަނެޗްރަލް ތުރިލާ "ޝައިތާން" ގެ ސްކްރީން ރައިޓަރު އާމިލް ކީޔަން ޚާންގެ ސްކްރީންޕްލޭއަކަށް ވިޝާލް ފޫރިއާ ޑައިރެކްޓްކުރާ ފިލްމެއް ކަމަށެވެ.

އަޖޭ އާއި ކާޖޮލް އެންމެ ފަހުން އެކީގައި ފެނިފައި ވަނީ 2020 ގެ "ތާނާޖީ: ދި އަންސަންގެ ވޮރިއާ" އިންނެވެ. މި ދެ ތަރިން އެކީގައި ކުޅުނު ފިލްމުތަކުގެ ތެރޭގައި "ރާޖޫ ޗާޗާ"، "ހަލްޗަލް"، "ޕިޔާރު ތޯ ހޯނާ ހިތާ"، "އިޝްގް"، "ޔޫ މީ އޯރް ހަމް" އަދި "ދިލް ކިޔާ ކަރޭ" ހިމެނެ އެވެ.