ބޮލީވުޑްގެ މަޝްހޫރު ޑައިރެކްޓަރު ރާޖް ކުމާރު ހިރާނީ ގެ އަލަތ ވެބް ސީރީޒް ގެ ލީޑުން ފެނިގެންދާނީ ހުނަރުވެރި ދެ ތަރިން ކަމުގައިވާ މޯނާ ސިންގް އާއި ވިކްރާންތް މަސޭ ކަމަށް ރިޕޯޓްތަށް ބުނެފިއެވެ.
ވެބް ސީރިޒް ތަކަށް ލިބެމުން އަންނަ ތަރުހީބު ބޮޑު ކަމުން މިހާރު ބޮލީވުޑްގެ މިސްރާބް ހުރީ ރަނގަޅު ވެބް ސީރީޒް ތަކެއް އުފެއްދުމަށެވެ. އެގޮތުން ބޮލީވުޑްގެ މަތީ ފަޑީގައި ތިބި ތަރިންނާއި ޑައިރެކްޓަރުން އަންނަނީ ވެބް ސީރީޒް ތަކަށް ވަގުތު ހުސްކުރަމުންނެވެ.
ރިޕޯޓްތައް ބުނި ގޮތުގައި، ހިރާނީ ޕްރޮޑިއުސްކުރާ މި ވެބް ސީރީޒް ޑައިރެކްޓުކުރަނީ އަމިރް ސަތުޔަވީރް އެވެ. އަމިރް އަކީ ހިރާނީއާ އެކު އޭނާގެ ބައެއް ފިލްމުތަކުގައި އެސިސްޓެންޓް ޑައިރެކްޓަރަކަށް މަސައްކަތްކޮށްފައިވާ ފަންނާނެކެވެ.
ވިކްރާންތް އަދި މޯނާ ވެސް ބެލުންތެރިންގެ މަގުބޫލު ކަން ހޯދީ ޓީވީ ސިލްސިލާ ޑްރާމާތަކުންނެވެ. މަގުބޫލު ޑްރާމާތަކެއް ކުޅުމަށްފަހު ދެތަރިން ގެ ފިލްމީ ކެރިއަރު ފެށި ބޮލީވުޑްއަށް ތައާރަފްވެ، ދެމީހުން ވެސް ވަނީ ކާމިޔާބު ފިލްމް ތަކެއް ކުޅެފައިއެވެ.
