ބޮލީވުޑްގެ މަޝްހޫރު ދެ ތަރިން ކަމުގައިވާ އަޖޭ ދޭވްގަން އާއި ކާޖޮލް އެކުގައި ފިލްމް އެއް ކުޅުމަށް ތައްޔާރު ވެފައިވާކަމަށް ރިޕޯޓްތަށް ބުނެފިއެވެ.
ދެމަފިރިން އެކުގައި ކުޅުމަށް ހަމަޖެހިފައިވަނީ ބިރުވެރި ފިލްމް އެއް ކަމަށް ވެއެވެ. ފިލްމީ ޚަބަރުތައް ގެނެސްދޭ މީޑިއާތަކުން ބުނީ ދެ ތަރިން އެކީގައި ކުޅެމުން އަންނަ ފިލްމަކީ މިހާރު ސިނަމާތަކުގައި ދައްކަމުން އަންނަ އަޖޭގެ ސުޕަނެޗްރަލް ތުރިލާ "ޝައިތާން" ގެ ސްކްރީން ރައިޓަރު އާމިލް ކީޔަން ޚާންގެ ސްކްރީންޕްލޭއަކަށް ވިޝާލް ފޫރިއާ ޑައިރެކްޓްކުރާ ފިލްމެއް ކަމަށެވެ.
View this post on Instagram
ހަބަރު ލިބޭ ގޮތުގައި މި ފިލްމްގެ ޝޫޓިންގެ ބައެއް ވެސް މިހާރު ވަނީ ކޮށްފައިއެވެ. އެގޮތުން މުމްބައި ގައި މަންޒަރުތަކެއް ޝޫޓްކުރުމަށް ކަލްކަތާ އަށް ކާސްޓާއި ކްރޫ ފުރަން ތައްޔާރުވަމުން އަންނަ ކަމަށް ރިޕޯޓްތަށް ބުނެއެވެ.
އަޖޭ އާއި ކާޖޮލް އެންމެ ފަހުން އެކީގައި ފެނިފައި ވަނީ 2020 ގެ "ތާނާޖީ: ދި އަންސަންގެ ވޮރިއާ" އިންނެވެ. މި ދެ ތަރިން އެކީގައި ކުޅުނު ފިލްމުތަކުގެ ތެރޭގައި "ރާޖޫ ޗާޗާ"، "ހަލްޗަލް"، "ޕިޔާރު ތޯ ހޯނާ ހިތާ"، "އިޝްގް"، "ޔޫ މީ އޯރް ހަމް" އަދި "ދިލް ކިޔާ ކަރޭ" ހިމެނެ އެވެ.
