ހުނަރުވެރި ބަތަލާ ތާބޫ އާއި އެކުގައި މަސައްކަތް ކުރަން ލިބުމަކީ ވަރަށް ބޮޑަށް އުފާވާ ކަމެއް ކަމަށް ކަރީނާ ބުނެފިއެވެ.
މި ފަހުން އެދެތަރިން އެކުގައި ފެނިގެންދާ ފިލްމް "ކުރޫ" ގެ ޕްރޮމޯޝަނަލް އިވެންޓެއްގައި ވާހަކަ ދައްކަމުން ކަރީނާ ބުނީ އެ ފުރުސަތު ލިބުނީތީ ފިލްމުގެ މުޅި ޓީމަށް ޝުކުރު އަދާކުރާ ކަމަށާއި މިއީ ޝަރަފެއްގެ ގޮތުގައި ދެކޭ ކަމަށެވެ.
ކަރީނާ ބުނީ އަބަދުވެސް ތާބޫ އާއި އެކުގައި މަސައްކަތް ކުރަން ބޭނުންވާ ކަމަށާއި ތާބޫ އަކީ ވަރަށް ހުނަރުވެރި ބަތަލާ އެއް ކަމަށް ވެސް ކަރީނާ ވަނީ ބުނެފައިއެވެ.
އޭނަ ބުނީ ދައްތަ ކަރިޝްމާ ކަޕޫރަކީ ތައްބޫއާ އެކީ ގިނަ މަސައްކަތްތަކެއް ކުރުމުގެ ނަސީބު ލިބުނު ބަތަލާއެއް ކަމަށެވެ. ތައްބޫ އާއި ކަރީނާ އަދި ކްރިތީ ކެބިން ކްރޫއިންގެ ރޯލު ކުޅެފައިވާ "ކްރޫ" ސިނަމާތަކަށް އަންނާނީ މި މަހުގެ 29 ގަ އެވެ.
ކޮމެންޓު ފޮނުވާ