ކާމިޔާބު ފިލްމް "ދެރިޔާ" ގެ ހުނަރުވެރި ޑައިރެކްޓަރު މުހައްމަދު ނިޔާޒު (ޓެޑްރީ) ބެލުންތެރިންނަށް ގެނެސްދޭން ތައްޔާރުވަމުން އަންނަ އޭނަގެ ދެވަނަ ފީޗާ ފިލްމު "ލަސްވިޔަސް" ގެ އައު ޓްރެއިލާ އެއް ދައްކާލައިފި އެވެ.
ދިގު މުއްދަތަކަށް ފަހު އަލުން ޑައިރެކްޓަރެއްގެ ގޮޑިގައި ޓެޑްރީ ހަމަޖެހިލި އިރުގައި އޭނާ ގެނެސްދޭ މި ފިލްމް އަކީ ބައްޔަކާ ހަނގުރާމަކުރާ އަންހެން ކުއްޖެއްގެ ވާހަކަ ކިޔައިދޭނެ އެއްޗެކެވެ.
View this post on Instagram
މީ ޓެޑްރީގެ ދެވަނަ ފީޗާ ފިލްމްއެެވެ. މި ފިލްމް ގެ ލީޑުން ފެނިގެންދާ ތަރިންގެ ތެރޭގައި ހިމެނެނީ ހުނަރުވެރި މޮޅު އެކްޓިންއެއް ދަައްކަމުން އަންނަ ވާޝިޔާ މުޙައްމަދު (ޝިޔާ)، ހުނަރުވެރި އެކްޓަރ އަޙްމަދު އީސާ (އާނަންދު)ގެ އިތުރުން ކުރީގެ އެކްޓްރެސް ނިޢުމާ މުޙައްމަދުގެ ދަރިފުޅު ޒޯޔާ ޙަސަން އިބްރާހީމް އެވެ.
މި ފިލްމުން މަޝްހޫރު އެކްޓްރެސް މަރްހޫމް ފައުޒިއްޔާ ފެނިގެންދާނެ އެވެ. މީގެ އިތުރުން ރާއްޖޭގެ އެންމެ މަޝްހޫރު އެކްޓަރު ރީކޯ މޫސާ މަނިކްވެސް ފެނިގެންދާނެ އެވެ. މާ ދިގު ނޫން ނަމަވެސް މުހިންމު ރޯލަކުން މޫސަ ފެނިގެންދާއިރު، މޫސަ ވަނީ ޓެޑްރީގެ ފިލްމު "ދެރިޔާ" ގައިވެސް މަސައްކަތް ކޮށްފައެވެ.
