ބޮލީވުޑްގެ ތިން އުމުގެ ތިން ބަތަލާއިން ފެނިގެންދާ ފިލްމް "ކުރޫ" ގެ ޓްރެއިލާ ބެލުންތެރިންނަށް ދައްކައިލައިފިއެވެ.
އަން މާޗު މަހުގެ 29 ވަނަ ދުވަހަށް ތާވަލު ކޮށްފައިވާ މި ފިލްމް ގެ ޓިޒާ ވަރަށް ވެސް ޝައުގުވެރިއެވެ. ކަރީނާ ކަޕޫރާއި ކްރިތީ ސެނަންގެ އިތުރުން ތައްބޫ ވަރަށް ގްލެމަސް ރޯލުތަކުން ފެންނާނެ މި ފިލްމުގެ ޓެގް ލައިނަކީ "ރިސްޓް އިޓް، ފޭކް އިޓް، ސްޓީލް އިޓް" އެވެ.
ފިލްމުގައި ތިން ކުޅެފައި ވަނީ "ކޮހިނޫރު" ކިޔާ އެއާލައިނެއްގެ ކެބިން ކްރޫންތަކެއްގެ ރޯލެވެ. އަދި މި ފިލްމް އިން ތިން ކުރޫއެއްގެ މެދުގައި އޮންނަ ގުޅުންވެސް ވަރަށް ރަނގަޅަށް ދައްކުވައިދޭނެއެވެ.
ރާޖޭސް ކްރިޝްނަން ޑައިރެކްޓްކޮށްފައިވާ މި ފިލްމަކީ އަންހެނުންތަކެއްގެ ވާހަކަ ކިޔައިދިން މިދިޔަ އަހަރުގެ "ތޭންކް ޔޫ ފޯ ކަމިން" އާއި 2018 ގެ "ވީރޭ ދީ ވެޑިން" ގެނެސްދިން އެކްތާ ކަޕޫރާއި ރިއާ ކަޕޫރް ޕްރޮޑިއުސްކޮށްފައިވާ ފިލްމެކެވެ.
ކޮމެންޓު ފޮނުވާ