މާލޭގެ މަގުމައްޗަކީ ކުނި އަޅާ ތަނަކަށް ނުހެދުމަށް މާލެ ސިޓީ ކައުންސިލްގެ މޭޔަރު އާދަމް އާޒިމް ގޮވާލައްވައިފިއެވެ.
އާޒިމް "އެކްސް" ގައި ކުރެއްވި ޕޯސްޓެއްގައި ވިދާޅުވީ އިއްޔެ އެކަނި ވެސް މާލޭގެ މަގުތަކުން 59.6 ޓަނުގެ ކުނި، ސިޓީ ކައުންސިލްގެ ހީވާގި މުވައްޒަފުން ނަގާފައިވާ ކަމަށެވެ. މިއީ 25 ފޫޓުގެ އަށް ކޮންޓެއިނަރުގެ ކުނި ކަމަށް ވެސް އާޒިމް ވިދާޅުވިއެވެ.
"އަޅުގަނޑު އެދެނީ މަގުމައްޗަކީ ކުނި އަޅާ ތަނަކަށް ނުހެއްދެވުމަށް." އާޒިމްގެ ޕޯސްޓުގައިވެއެވެ.
10 މާރޗް 2024ވީ އާދީއްތަ ދުވަހު އެކަނިވެސް މާލޭގެ މަގުތަކުން 59.6 ޓަނުގެ ކުނި MaleCitymv@ ގެ ހީވާގި މުވައްޒަފުން ނެގި. މިދިޔަ 15 ދުވަސްތެރޭ 200 ޓަނުގެ ކުނި މާލެ ތެރެއިން ނެގުނު. މިއީ 25 ފޫޓުގެ 8 ކޮނޓޭނަރުގެ ކުނި.
އަޅުގަނޑު އެދެނީ މަގުމައްޗަކީ ކުނި… https://t.co/OUebKBOkHx
— Adam Azim (@adamazim) March 11, 2024
އާޒިމް ވިދާޅުވި ގޮތުގައި ދިރި އުޅޭ ގެދޮރާއި ތިމާގެ ވެށި ސާފުކޮށް ބޭއްވުމަކީ އެންމެނަށް ހިތްފަސޭހަ ކަމަަށް ވެގެން ދާނެ ކަމެއް ކަމަށެވެ.
"ﷲ (ސވއ)ގެ ހެޔޮރަހުމަތުން އަޅުގަނޑުމެން އެންމެންނަކީ ވަރަށް ބޮޑަށް ސާފުތާހިރުކަމަށް ލޯބިކުރާ ބައެއްކަމުގައި ލައްވާށި. އާމީން." އާޒިމް ވިދާޅުވިއެވެ.
