ކުރީގެ ރައީސް ސާލިހުގެ ދަައުރުގައި ކުރިޔަށް ގެންދިޔަ ބިންވެރިޔާ ސްކީމުގެ ދަށުން ނުހައްގުން ހުޅުމާލެއިން ދީފައިވާ 50 ބިމެއް އޮންނަ އުސޫލުގެ ތެރެއިން އަތުލާނެ ކަމުގައި އެޗްޑީސީގެ އެމްޑ ފަޒުލް ރަޝީދު ވިދާޅުވެއްޖެއެވެ.
ރައީސް ޑރ. މުހައްމަދު މުއިއްޒު ރައްޔިތުންނާ ބައްދަލުކުރައްވަން ރަށްރަށަށް ކުރައްވާ ދަތުރުފުޅުގައި، ވ. ފުލިދޫގައި ބޭއްވި ޖަލްސާގައި ވާހަކަ ދައްކަވަމުން ފަޒުލް ވިދާޅުވީ، ހުޅުމާލޭ ތިން ފޭސްއިން ފަންސާހަކަށް ބިން ނުހައްގުން ކުރީ ސަރުކާރުން ދީފައި އެބަހުރި ކަމަށާއި، އެއީ ރައްޔިތުންގެ ހައްގުތައް ކަމަށެވެ. އަދި "ރައްޔިތުންގެ މުދާ" އަބުރާ ރައްޔިތުންނަށް ހޯދާ ދޭނެ ކަމުގައި އޭނާ ވިދާޅުވިއެވެ.
ފަންސާހަކަށް ބިން ހުޅުމާލޭގެ ފޭސް އެކަކުން، ފޭސް ދެއަކުން، ފޭސް ތިނަކުން ދިނީ ނުހައްގުންކަން އަޅުގަނޑު ތަކުރާރުކޮށް ދަންނަވާލަން. މި ކުރެވޭ މަަސައްކަތުގައި ރައްޔިތުންގެ މުދާ ރައްޔިތުންނަށް އަނބުރާ ނަގައިދޭނަން އަޅުގަނޑުމެން.
ފަޒުލް ވިދާޅުވި އެވެ.
އޭނާ ވިދާޅުވީ އެ ބިންތައް އަނބުރާ އަތުލުމުގެ މަސައްކަތް ކުރާނީ އޮންނަ އުސޫލުގެ ތެރެއިން ކަމުގައެވެ.
އެކި އެކި ފަރާތްތަކަށް ދީފައި ހުރި ބިންތައް އަޅުގަނޑުމެން އަތުލުމުގެ މަސައްކަތްކުރާނަން. އެ މީހުންގެ ހައްގުތައް ކަށަވަރުކުރާނަން. ނަމަވެސް ގަވާއިދާ ހިލާފަށް ދެވިފައި ހުރި ބިމެއް ވިއްޔާ އެކަންކަން އަޅުގަނޑުމެން ތަރުތީބުކުރާނީ ގަވައިދުގެ ތެރެއިން.
ފަޒުލް ވިދާޅުވި އެވެ.
ފަޒުލް ވިދާޅުވީ ނުހައްގުން ދޫކޮށްފައިވާ ބިންތަކުގެ ވާހަކަ ދައްކާތީ އޭނާގެ ޒާތީ މައުލޫމާތު ސޯޝަލް މީޑިއާގައި އާންމުކޮށް ޕްރެޝަ ކުރިމަތި ކުރިވިޔަސް އެވާހަކަތައް ދައްކަވާނެ ކަމުގައެވެ.
