ފްރާންސްގެ ރައީސް އެމަނޫލް މެކްރޮން ކޯވިޑް19 އަށް ޕިޒިޓިވް ވެއްޖެ ކަމަށް، އެގައުމުގެ ރިޔާސީ ގަޑުވަރު އެލީސީއިން މައުލޫމާތު ދީފިއެވެ.
ރިޔާސީ ގަޑުވަރުން ނެރުނު ބަޔާނެއްގައި ބުނެފައިވަނީ، "ފްރާންސްގެ ޖުމުހޫރިއްޔާގެ ރައީސް މިއަދު ވަނީ ކޯވިޑް19 އަށް ޕޮޒިޓިވް ވެފައި" ކަމުގައެވެ.
މި ބަޔާނުގައި އިތުރަށް ބުނެފައިވަނީ، މެކްރޮން ވޯވިޑް19 އަށް ޕިޒިޓިވް ވެފައިވާކަން އެގިފައިވަނީ، ކޯވިޑް19ގެ އަލާމާތްތައްކަމަށް ބެލެވޭ އަލާމާތްތަކެއް ފެނިގެން ކޯވިޑް19 އަށް ޓެސްޓު ކުރުމުން ކަމުގައެވެ. އަދި މެކްރޮމްގެ ކިބައިން ފެނިގެން ދިޔައީ ބަލީގެ ވަރަށް ކުރީކޮޅު ފެނިގެން ދިޔަ އަލާމާތްތަކެއް ކަމުގައިވެސް ރިޔާސީ ގަޑުވަރުން ނެރުނު ބަޔާނުގައި ބުނެފައި ވެއެވެ.
"ކޯވިޑް19ގެ އަލާމާތްތައް ފެންނަ ހުރިހާ އެންމެންވެސް މިހާރު އަމަލުކުރަމުންދާ ގައިޑްލައިންތަކާ އެއްގޮތްވާ ގޮތުގެމަތިން، ފްރާންސްގެ ޖުމުހޫރިއްޔާގެ ރައީސްވެސް، ކޯވިޑަށް ޕޮޒިޓިވް ވުމާގުޅިގެން 7 ދުވަސް ވަންދެން އެކަހެރިވި ވެވަޑައިގަންނަވާނެ. އަދި އެކެހެރިވެ ހުންނަވައިގެން ރަސްމީ ޒިންމާ އަދާ ކުރައްވަމުން ގެންދަވާނެ،" ފަރާންސްގެ ރައީސް ކޯވިޑް19 އަަށް ޕޮޒިޓިވް ވުމާގުޅިގެން ރިޔާސީ ގަޑުވަރުން ނެރުނު ބަޔާނުގައި ބުނެފައި ވެއެވެ.
ފްރާންސްގެ އޮފިޝަލުން ވިދާޅުވިގޮތުގައި، ކޯވިޑް19އަށް މެކްރޮން ޕޮޒިޓިވް ވިކަމުގައިވި ނަމަވެސް، ރަސްމީ ހުރިހާ ޒިންމާއެއްވެސް ގައުމުގެ ރައީސްގެ ހައިސިއްޔަތުން އަދާކުރައްވަމުން ގެންދަވާނެ ކަމުގައެވެ. އަދި މަސައްކަތް ކުރައްވަމުން ގެންދަވާނީ ރިޔާސީ ގަޑުވަރުގައި ހުންނަވައިގެން ކަމުގައެވެ.
ފްރާންސްގައި އާދަޔާ ޚިލާފަށް ކޯވިޑް19ގެ ހާލަތު ގޯސްވަމުންދާން ފެށުމާއި ގުޅިގެން، މިފަހްތާގައިވަނީ، ރޭގަޑުގެ ވަގުތުތަކުގައި ކާފިއު ހިންގަން ފަށާފައެވެ.
ޖޯން ހޮޕްކިންސް ޔުނިވާސިޓީން ހާމަ ކޮށްފައިވާ މައުލޫމާތުތަކަށް ބަލާއިރު، ފްރާސްގައި މިހާތަނަށް ކޯވިޑް19އަށް 2 މިލިއަން މީހުން ޕޮޒިޓިވް ވެފައިވާއިރު، 59،400 މީހުންވަނީ މަރުވެފައެވެ.
ޔޫރަޕްގައި ފްރާސް ފިޔަވާ ކޯވިޑް19ގެ ހާލަތު ދެން އެނެމް ގޯސް ގައުމަކަށް އޮތީ އިގިރޭސިވިލާތެވެ. އަގައުމުގައި މިހާތަނަށް އައިއިރު، ކޯވިޑް ބަލީގައި 65،000 މީހުންވަނީ މަރުވެފައެވެ.
ފްރާންސްގެ ރައީސަށް ކޯވިޑް ޖެހިވަޑައިގަތީ ކިހިނެއްކަމެއް އަދި ހޯދިފައި ނުވިނަަމަވެސް، އެގައުމުގެ ރަސްމީ އިދާރާތަކުން ބުނެފައިވަނީ، ފާއިތުވެދިޔަ ދުވަސްތަކުގައި، މެކްރޮން އާއެކީ މަސައްކަތް ކޮށްފައިވާ ފަރާތްތަކަށާއި އަދި ގާތްކޮށް އުޅުއްވާފައިވާ ފަރާތްތަކަށް މިހާރު މައުލޫމާތު ފޯރުކޮށްދީ، ބަލިން ރައްކާތެރި ވުމަށް އަޅަންޖެހޭ ފިޔަވަޅުތައް މިހާރު ދަނީ އަޅަމުންނެވެ.
