އަޅުކަމުގެ ތެރެއަށް ޝިރުކު ވަދެއްޖެނަމަ އެއަޅުކަމެއް ފާސިދުވާނެކަމަށް މިއަދުގެ ހުކުރު ޚުޡުބާގައި ވިދާޅުވިއެވެ. މިއަދުގެ ޚުޡުބާގައި ވިދާޅުވީ ތައުހީދުގެ ސަބަބުން އަމަންއަމާންކަމާއި، ހިދާޔަތު ލިބި، ދެދުނިޔޭގެ ބާއްޖަވެރިކަން ލިބޭނަކަމަށާއި، މާތްﷲ އެއްކައުންވަންތަ ކުރުމަކީ އެންމެ މަތިވެރި އަދި އެންމެ މާތް އަސްލު ކަމުގައެވެ. އަދި އެކަނލާގެ ރަސޫލުން ފޮނުއްވައި ފޮތް ބާވައިލެއްވީ އެކަން ހާސިލްކޮށް ދެއްވުމަށް ކަމުގައި މިއަދު ހުކުރު ޚުޡުބާގައި ވިދާޅުވެއްޖެއެވެ.
"ނަބަވީ ސުންނަތާއި ތައުޙީދު" މި މައުޟޫއަށް ޚާއްސަ ކުރެވިގެންދިޔަ މިއަދުގެ ހުކުރު ޚުޡުބާގައި ވިދާޅުވީ ހަމަ އެފަދައިން ތައުހީދުގެ ސަބަބުން އަމަން އަމާންކަމާއި ހިދާޔަތުލިބި ދެދިނިޔޭގެ ބާއްޖަވެރިކަން ލިބިގެންދާ ކަމުގައެވެ.
މުސްލިމް އަޚުންނޭވެ! އުޑާއި ބިން އުފެއްދެވުމާއި، ރޭގަޑާއި ދުވާލު ތަފާތު ކުރެއްވުމާއި، ގަސްގަހާއިގެއްސާއި މޭވާތަކާއި، އިންސާނުންނާއި ޖަނަވާރުތައް ޚަލްޤު ކުރެއްވުން، ދަލީލުކޮށްދެނީ އެތަކެތި ހެއްދެވި ފަރާތް ވާކަމެވެ. މަޚުލޫގުން ތަފާތުވުމާއި، އެތަކެތި ކިޔަމަން ކުރައްވާފައިވާ ގޮތާއި އުފެއްދެވުމުގެ ފުރިހަމަކަން ދަލީލުކޮށްދެނީ ޚަލްގުތަކުން ޚަލްޤު ކުރެއްވި ޚާލިޤަކު ވާކަމެވެ.
މިއަދުގެ ޚުޡުބާގައި ވިދާޅުވެފައި ވެއެވެ.
މިއަދުގެ ޚުޡުބާގައި ވިދާޅުވީ އިސްލާމްދީނުގެ އަސާސަކީ ތައުހީދުކަމަށާއި، އިސްލާމްދީނަކީ އަަޒީޒުވަންތަ ހަކީމުވަންތަ ރަސްކަލާނގެ އެކަލާނގެ އަޅުތަކުންނަށް ޝަރުޢު ކުރައްވާފައިވާ ހަމައެކަނި ދީންކަމުގައެވެ. އަދި ރަސޫލާ މައްކާގައި ތޭރަ އަހަރު ހޭދަކުރެއްވީ އިސްލާމް ދީނުގެ އަސާސްކަމުގައިވާ ތައުހީދަށް ގޮވާލެއްވުމުގައި ކަމަށްވެސް ޚުޡުބާގައި ވިދާޅުވެފައި ވެއެވެ.
އަދި މާތްﷲ އިންސާނުން ހައްދަވާފައިވަނީ އެކަނލާގެއަށް އަޅުކަންކުރަން ކަމަށްވާއިރު، އެ އަޅުކަން އަޅުކަމެއްގެ ގޮތުގައި ބެލެވޭނީ ނުވަތަ އަޅުކަމަކަށްވާނީ ތައުހީދާ އެކުގައި ކަމަށްވެސް ޚުޡުބާގައި ވިދާޅުވިއެވެ. އަދި
