އަނުޝްކާ ޝަރުމާ އާއި ވިރާޓް ކޯލީ އަށް ފިރިހެން ކުއްޖަކު ލިބިއްޖެ އެވެ.
އޭނަ އާއި ފިރިމީހާ މަޝްހޫރު ކްރިކެޓް ކުޅުންތެރިޔާ ވިރާޓް ކޯލީ އަށް މި މަހުގެ 15 ގައި ލިބުނީ ފިރިހެން ކުއްޖެކެވެ. އެ ވާހަކަ ސޯޝަލް މީޑިއާ ޕޯސްޓެއްގައި މިއަދު ހިއްސާކޮށް ކުއްޖާގެ ނަން ވެސް އާންމުކޮށްފައިވެ އެވެ.
އަނުޝްކާ އާއި ވިރާޓްގެ ދެވަނަ ދަރިފުޅަށް ދިން ނަމަކީ އަކޭ ކޯލީ އެވެ. އަނުޝްކާ ބަނޑުބޮޑުކަން އިއުލާން ނުކޮށް ވިހެއިކަން އިއުލާން ކުރި ނަމަވެސް މީޑިއާގައި މިވާހަކަ ވަރަށް ބޮޑަށް ދެކެވުނެެވެ.
އަނުޝްކާ ވިހެމާއާ ހަމައަށް ދެވަނަ ދަރިފުޅަށް ބަލިވެއިންކަން އުޅުނީ ވަރަށް ބޮޑަށް ސިއްރުކޮށްގެންނެވެ. އަދި އޭނާ ވިހެއީވެސް ގައުމުން ބޭރުގައިއެވެ. އެއީ އެކަން ބޮޑަށް ސިއްރުކުރުމަށް ކަމަށް ބެލެވެއެވެ.
View this post on Instagram
ވިރާޓް އާއި އަނުޝްކާ ކައިވެނިކުރީ ޑިސެމްބަރު 11، 2017 ގަ އެވެ. އެ ދެމަފިރިންގެ ފުރަތަމަ ދަރިފުޅު، ވަމިކާ ކޯލީ ވިހެއީ ޖެނުއަރީ 11، 2021 ގަ އެވެ.
