ކާމިޔާބު ފިލްމް ތަކެއް ގެނެސްދީފައިވާ ޑައިރެކްޓަރު ރާޖްކުމާރު ސަންތޯޝީ އަށް ދެ އަހަރުގެ ޖަލު ހުކުމެއް މިއަދު އިއްވައިފި އެވެ.
ސަނީ ޑިއޯލްއާ އެކީ "ލާހޯރް، 1947″ ކިޔާ ފިލްމެއްގެ މަސައްކަތް މި މަހުގެ ތެރޭގައި ފަށަން ތައްޔާރު ވެފައިވަނިކޮން 67 އަހަރުގެ ޑައިރެކްޓަރުގެ މައްޗަށް ޖަމްނާގަރު ކޯޓުން ދެ އަހަރުގެ ޖަލު ހުކުމެއް އިއްވީ އޭނަ ދޫކުރި ޗެކްތަކެއް ބައުންސްވި މައްސަލައެއްގައި ކުރި ދައުވާއަކާ ގުޅިގެންނެވެ.
މީޑިއާތަކުން ބުނީ ޖަލު ހުކުމުގެ އިތުރަށް، ބައުންސްވި ޗެކްތަކުގައި ހިމެނޭ އަދަދުގެ ދެގުނަ ކޯޓަށް ދައްކަން ވެސް އަމުރުކޮށްފައިވާ ކަމަށެވެ. 2015 އަދި 2016 ވަނަ އަހަރުގައި 10 ލައްކަ ރުޕިސްގެ ދެ ޗެކް ބައުންސް ވެފައިވާރުގައި އޭގެ ދެގުނަ އޭނާ ކޯޓަށް ދައްކަން ޖެހޭނެއެވެ.
ސަންތޯޝީ އަކީ "ގާޔަލް" އާއި "ގަތަލް" އާއި "ދާމިނީ" އާއި "އަންދާޒު އަޕްނާ އަޕްނާ" ގެ އިތުރުން "އަޖަބް ޕްރޭމް ކީ ގަޒަބް ކަހާނީ" ފަދަ މަގުބޫލު ފިލްމުތައް ގެނެސްދިން ޑައިރެކްޓަރެވެ. އޭނަ ޑައިރެކްޓްކުރަން ތައްޔާރުވަމުން އަންނަ "ލާހޯރް، 1947″ އަކީ އާމިރު ޚާން ޕްރޮޑިއުސްކުރާ އެއްޗެކެވެ.
