އިންޑިއާ އާއި އާޖެންޓީނާއާ ދެމެދު އޮތް ސިޔާސީ ގާތް ގުޅުމަށް 75 އަހަރު ފުރުން ފާހަގަ ކޮށްފިއެވެ. ދެ ގައުމުގެ ސިޔާސީ ގުޅުން ގާއިމުކުރީ ފެބްރުއަރީ 3، 1949 ގަ އެވެ.
އާޖެންޓީނާގައި ހުންނަ އިންޑިއާ އެމްބަސީން އެކްސްގައި ކުރި ޕޯސްޓެއްގައި ބުނެފައިވަނީ 1949 ވަނަ އަހަރުގެ ފެބްރުއަރީ މަހުގެ 3 ވަނަ ދުވަހުގެ މުނާސަބަތުގައި، ދެ ޑިމޮކްރަސީ ކަމަށްވާ އިންޑިއާ އާއި އާޖެންޓީނާއިން އެކުވެރިކަމާއި އެއްބާރުލުމާއި އެއްބައިވަންތަކަމުގެ ދަތުރެއް ފަށައިގަތުމަކީ ލިބޭ ވަރަށް ބޮޑު ޝަރަފެއް ކަމަށެވެ. އެ ޕޯސްޓަށް ރައްދު ދެއްވަމުން އިންޑިއާގެ އެކްސްޓާނަލް އެފެއާޒް މިނިސްޓްރީގެ ތަރުޖަމާނު ރަންދީރު ޖައިސްވާލް ވިދާޅުވީ ދެ ގައުމުގެ ދެމެދު ސިޔާސީ ގުޅުމަށް 75 އަހަރު ފުރުން ފާހަގަކުރާ ކަމަށެވެ.
އާޖެންޓީނާގެ ސެކްރެޓަރީ ފޮރ އިންޓަރނޭޝަނަލް އިކޮނޮމިކް ރިލޭޝަންސް، އެމްބެސެޑަރ މާސެލޯ ސީމާ، އާޖެންޓީނާއަށް ކަނޑައަޅުއްވާފައި ހުންނަވާ އިންޑިއާ ސަފީރު ދިނޭޝް ބާޓިއާއަށް މަރުޙަބާ ދެންނެވިއެވެ.
މީގެ އިތުރުން 2022 ވަނަ އަހަރު ރެކޯޑް ކުރެވިފައިވާ ތާރީޚީ ޕީކް އަލުން އިއާދަކުރުމުގެ ޝައުގުވެރިކަމާ މެދު ވެސް ދެބޭފުޅުން އެއްބަސްވެވަޑައިގެންނެވި އިރު، އާޖެންޓީނާއަށް 2.7 ބިލިއަން ޑޮލަރުގެ ސާޕްލަސްއަކާއެކު، ޖުމްލަ ވިޔަފާރީގެ އަދަދު ގާތްގަނޑަކަށް 6.4 ބިލިއަން ޑޮލަރަށް އަރައެވެ.
ދެކުނު އެމެރިކާގެ ގައުމުގައި ލިތިއަމް ހޯދުމުގެ އެއްބަސްވުމެއް މިދިޔަ މަހު އިންޑިއާ ސަރުކާރުން ވަނީ އާޖެންޓީނާއާ އެކު ސޮއި ކޮށްފައެވެ.
ޗިލީ އާއި ބޮލީވިއާގެ އިތުރުން އާޖެންޓީނާގައި ދުނިޔޭގެ ލިތިއަމް ރިޒާވްގެ ދެބައިކުޅަ އެއްބައި އެބަހުއްޓެވެ. ލިތިއަމްގެ އެންމެ މުހިންމުކޮށް ބޭނުން ކުރަނީ މޯބައިލް ފޯނާއި ލެޕްޓޮޕާއި ޑިޖިޓަލް ކެމެރާ އަދި އިލެކްޓްރިކް ވެހިކަލްތަކަށް ރިޗާޖް ކުރެވޭ ބެޓެރީތަކުގަ އެވެ.
އިންޑިއާ އާއި އާޖެންޓީނާއާ ދެމެދު ގާތް ގުޅުމެއް އޮންނައިރު، ސިޔާސީ، އިގްތިސާދީ، ސައިންޓިފިކް އަދި ޓެކްނޮލޮޖީގެ ދާއިރާއިން ގުޅުން ބަދަހިވެ، އެންޓާކްޓިކް ދިރާސާތަކާއި ސަގާފީ އެއްބާރުލުން ހިމެނެ އެވެ.
އިންޑިއާއިން 1943 ވަނަ އަހަރު ބުއެނޯސް އައިރިސްގައި ޓްރޭޑް ކޮމިޝަނެއް ހުޅުވުމަށްފަހު 1949 ވަނަ އަހަރު އެމްބަސީއަކަށް ބަދަލުކުރިއެވެ. އާޖެންޓީނާއިން 1920 ގެ އަހަރުތަކުގައި ކަލްކަތާގައި ކޮންސިއުލޭޓެއް ގާއިމުކުރި އިރު، އެ ކޮންސިއުލޭޓް އެމްބަސީއެއްގެ ގޮތުގައި ދިއްލީއަށް ބަދަލުކުރީ 1950 ވަނަ އަހަރު އެވެ. އާޖެންޓީނާއިން މުމްބާއީގައި ކޮންސިއުލޭޓް ޖެނެރަލްގެ އޮފީހެއް ހުޅުވީ 2009 ވަނަ އަހަރުގެ އޭޕްރީލް މަހުގެ ތެރޭގައެވެ.
