ބޮލީވުޑްގެ އެކްޓަރު އަޖޭ ދޭވްގަން ގެ ފިލްމު "މައިދާން" އަށް އަނެއްކައިވެސް ތާރީހެއް ލިބިއްޖެއެވެ. މިހާރު ވެސް ވަރަށް ބޮޑަށް ދިގުދެމިގެން ގޮސްފައިވާ މި ފިލްމް އެޅުވުން މިހާބޮޑަށް ދިގުލައިގެން ދަނީ ކީތްވެ ކަމެއް ނޭގެއެވެ.
މިދިއަ އަހަރުވެސް ފިލްމް ދެފަހަރެއްގެ މަތިން ތާރީހް އިއުލާން ކުރިއެވެ. ނަމަވެސް މިދިއަ އަހަރު ނިމުން އިރުވެސް ފިލްމް އެޅުވިފައިއެއް ނުވެއެވެ. އަނެއްކައިވެސް މިވަނީ އައު އަހަރާ ދިމާކޮށް އަނެއްކައިވެސް އައު ތާރީހެއް ލިބިފައިއެވެ.
ޕްރޮޑިއުސަރު ބޯނީ ކަޕޫރާއި ޒީ ސްޓޫޑިއޯސް ގުޅިގެން ގެނެސްދޭ މި ފިލްމު މިހާރު ތާވަލުކޮށްފައި ވަނީ އެޕްރީލަށެވެ. އެގޮތުން ފިތުރު އީދުގައި ރިލީޒްކުރަން ނިންމާފައިވާ އަކްޝޭ ކުމާރާއި ޓައިގާ ޝްރޮފްގެ "ބަޅޭ މިޔާ ޗޯޓޭ މިޔާ" އާ އެއް ދުވަހެއްގައި ފިލްމު ގެނެސްދޭން މިހާރު ވަނީ ނިންމައިފަ އެވެ.
ފިލްމް މުޑިއަރާތީ އަނެއްކައިވެސް ރިލީޒް ކުރާ ދުވަސް ބަދަލު ކުރުމަކީ އެކަށީގެން ވާކަމެކެވެ. މާޒީގައި ވެސް މި ފިލްމް އަށް ދިމާވި އެންމެ ބޮޑު އެއް މައްސަލައަކީ އެއީ ކަމަށް ބެލުމުގެ ފުރުސަތު އެބައޮތެވެ.
View this post on Instagram
ނުނެރެވި ލަސްވަމުންދާ މި ފިލްމް އެޅުވުމަށް ތާރީހްތަށް 2020 އިން ފެށިގެން އައީ އިއުލާން ކުރަމުންނެވެ. ކޮންމެ ފަހަރަކުވެސް ފިލްމް ނޭޅުވި އައު ތާރިކަށް ބަދަލުވެގެން ދަނީއެވެ. އެންމެ ފަހުން ފިލްމް އެޅުވުމަށް ތާވަލް ކޮށްފައި އޮތީ މިދިއަ އަހަރުގެ ޖޫން މަހުގެ 3 ވަނަ ދުވަހަށެވެ.
އިންޑިއާ ފުޓްބޯޅައިގެ ރަން ދުވަސްވަރު (1952-1962) ގައި ކޯޗުކަން ކޮށްދިން ސައިދު ޢަބްދުއްރަޙީމްގެ ޙަޔާތުގެ މައްޗަށް ބިނާކޮށް އުފައްދާފައިވާ “މައިދާން” ގައި ސައިދުގެ ރޯލުން ފެނިގެންދާނީ އަޖޭއެވެ. އިތުރު މުހިންމު ރޯލުތަކުން ފެނިގެންދާ ތަރިންގެ ތެރޭގައި ދެކުނު އިންޑިއާގެ ބަތަލާ ޕްރިޔަމާނީ، ރުދްރަނިލް ގޯޝް އަދި ގަޖްރާޖް ރާއޯ ހިމެނެއެވެ.
