އިންޑިއާގެ ޚާރިޖީ ވަޒީރު އެސް ޖައިޝަންކަރަށް އީރާންގެ ޚާރިޖީ ވަޒީރު ހުސައިން އާމިރު އަބްދުاللهޔަން ހޯމަ ދުވަހު ތެހެރާނުގައި މަރުހަބާ ދަންނަވާއިފައެވެ.
ޖައިޝަންކަރުގެ މި ދަތުރުފުޅުގައި ދެގައުމުގެ ޚާރިޖީ ވަޒީރުންވަނީ ޝަންހާއީ ކޯޕަރޭޝަން އޯގަނައިޒޭޝަން (އެސްސީއޯ) އާއި އަދި ބްރިކްސްގެ ގުޅުމުގެ ތެރެއިން ބައިލެޓަރަލް އަދި މަލްޓިލޭޓަރަލް ގުޅުން ތައް އިތުރަށް ބަދަހިކުރުމާ ބެހޭ ގޮތުން މަޝްވަރާ ކުރައްވާފައެވެ.
މިއަދު އަޅުގަނޑު އިންޑިއާގެ ޚާރިޖީ ވަޒީރު ޑރ. ޖައިޝަންކަރަށް މަރުހަބާ ދަންނަވާ، އެންމެ ފަހުގެ ސަރަހައްދީ އަދި ބައިނަލްއަގުވާމީ ކަންތައްތަކާ ބެހޭ ގޮތުން، ހާއްސަކޮށް އިސްރާއީލުން ފަލަސްތީނާ ދެކޮޅަށް ހިންގާ ޖަރީމާތަކާ ބެހޭ ގޮތުން މަޝްވަރާ ކުރެވުނު. އޭގެ އިތުރުން ޝަންހާއީ ކޯޕަރޭޝަން އާއި ބްރިކްސްގެ ގުޅުމުގެ ތެރެއިން ބައިލެޓަރަލް އަދި މަލްޓިލޭޓަރަލް ގުޅުން ތައް ފުޅާކުރުމާ ބެހޭގޮތުން މަޝްވަރާ ކުރެއްވުނު.
އިރާނުގެ ޚާރިޖީ ވަޒީރު އެކްސްގައި ކުރެއްވި ޕޯސްޓުގައި ވިދާޅުވެފައި ވެއެވެ.
އީރާނުގެ ޚާރިޖީ ވަޒީރު ވިދާޅުވީ އިޒްރޭލާއި ހަމާސް ހަނގުރާމަ ފަދަ ބައިނަލްއަގްވާމީ އަދި ސަރަހައްދީ އެންމެ ފަހުގެ ކަންކަމާ ބެހޭ ގޮތުން އެމަނިކުފާނާއި ޖައިޝަންކަރު މަޝްވަރާ ކުރެއްވި ކަމަށެވެ.
މި ބައްދަލުކުރެއްވުމުގައި ހުސައިން އާމިރު އަބްދުاللهޔާން ވަނީ އީރާން ކައިރީގައި އޮންނަ ބައިނަލްއަގްވާމީ ކަނޑުގެ މަގުތަކުގައި ސަލާމަތީ ކަންކަން ބެލެހެއްޓުމުގެ މުހިންމުކަމުގެ މައްޗަށް އަލިއަޅުއްވާލައްވާފައެވެ.
މިއަދު ތެހެރާނުގައި، އިންޑިއާގެ ޚާރިޖީ ވަޒީރުގެ ސުބްރަމާނިއަމް ޖައިޝަންކަރަށް އަޅުގަނޑު މެހެމާންދާރީ އަދާކުރީ، ބައިނަލްއަޤްވާމީ އަދި ސަރަޙައްދީ އެންމެ ފަހުގެ ކުރިއެރުންތަކާއި، ޚާއްޞަކޮށް، ފަލަސްޠީނާ ދެކޮޅަށް އިސްރާއީލުގެ ސަރުކާރުން ހިންގަމުންދާ ޖަރީމާތަކާއި، ހިންގާ ޖަރީމާތަކާ ބެހޭގޮތުން،"
ހުސައިން އާމިރު-އަބުދުاللهޔަން އެކްސްގައި ވިދާޅުވިއެވެ.
މީގެ އިތުރުން ޝަންހާއީ ކޯޕަރޭޝަން އޯގަނައިޒޭޝަނާއި ބްރިކްސްގެ ގުޅުމުގެ ތެރެއިން ބައިލެޓަރަލް އަދި މަލްޓިލޭޓަރަލް ގުޅުން ތައް ބަދަހިވަމުންދާ މިންވަރު ބެލުމާއި، ސްޓްރެޓެޖިކް ކަނެކްޝަންތަކުގެ ހާލަތާއި، ޗަބަހާރު ބަނދަރު ތަރައްގީ ކުރުމާއި ނޯތު-ސައުތު ޓްރާންސިޓް ރޫޓްގެ މުހިންމުކަމާ ބެހޭ ގޮތުން މަޝްވަރާ ކުރެއްވުނު ކަމަށްވެސް އީރާނުގެ ޚާރޖީ ވަޒީރު ވިދާޅުވިއެވެ.
އަދި އީރާނުގެ ކައިރީގައި ވާ ބައިނަލްއަގްވާމީ ކަނޑުގެ މަގުތަކުގައި ސަލާމަތާއި ރައްކާތެރިކަން ފޯރުކޮށްދިނުމުގެ މުހިންމުކަމުގެ މައްޗަށް އަލިއަޅުއްވާލައްވައި، އިސްރާއީލުން ހިންގަމުންދާ ހަނގުރާމައިގެ ޖަރީމާތަކަށް ވައިޓް ހައުސްއިން އަބަދުވެސް އެއްބާރުލުން ދިނުމަކީ މުޅި ސަރަޙައްދުގައި ނާމާންކަން ފެތުރުމުގެ އަސާސް ކަމުގައި ދެކޭކަމަށް އިންޑިއާގެ ޚާރިޖީ ވަޒީރަށް ދެންނެވިކަމަށްވެސް އިރާނުގެ ޚާރިޖީ ވަޒީރު ވިދާޅުވި އެވެ.
މި ބައްދަލުވުމަށްފަހު އިންޑިއާގެ ޚާރިޖީ ވަޒީރު ޖައިޝަންކަރު ވިދާޅުވީ ދެ ގައުމުގެ ދެމެދުގައި މަޝްވަރާ ކުރެއްވީ ޗާބަހާރު ބަނދަރާއި އިންޓަނޭޝަނަލް ނޯތު ސައުތު ޓްރާންސްޕޯޓް ކޮރިޑޯ (އައިއެންއެސްޓީސީ) ކަނެކްޓިވިޓީ ޕްރޮޖެކްޓާ އެކު އިންޑިއާގެ ބައިވެރިވުން އޮންނާނެ ދިގު ރާސްތާ އޮނިގަނޑާ އެކުލަވލުމާއި ބެހޭ ގޮތުން ކަމަށެވެ.
އީރާނުގެ ޚާޖިވަޒީ އާމިރު-އަބުދުاللهޔަން އާއެކު ތެހެރާނުގައި މިއަދު ފުޅާ ދާއިރާއެއްގައި މަޝްވަރާ ކުރެވުނު. މި ބައްދަލުކުރެއްވުމުގައި، ޗާބަހާރު ބަނދަރާއި، އައި.އެން.އެސް.ޓީ.ސީ ކަނެކްޓިވިޓީ ޕްރޮޖެކްޓާގުޅޭގޮތުން ދެޤައުމުގެ ދެމެދުގައި މަޝްވަރާކުރެވުނު. އަދި މި ސަރަޙައްދުގެ މެރިޓައިމް ޝިޕިންގއަށް ހުރި ނުރައްކާތަކާ ބެހޭގޮތުންވެސް ވާހަކަ ދެކެވުނު. މިކަމަށް އަވަސް ހައްލެއް ގެނައުމަކީ މުހިންމު ކަމެއއް. އެޖެންޑާގައި ހިމެނޭ އެހެން މައްސަލަތަކަކީ ޣައްޒާގެ ހާލަތާއި އަފްޣާނިސްތާނާއި ޔޫކްރެއިން އަދި ބްރިކްސްގެ އެއްބާރުލުން.
ޖައިޝަންކަރު އެކްސްގައި ވިދާޅުވިއެވެ.
ޖައިޝަންކަރު އީރާނުގައި ހުންނެވީ ދެ ގައުމުގެ ދެމެދުގައި މިހާރު ކުރިއަށްދާ މަތީ ފެންވަރުގެ މަޝްވަރާތަކުގެ ތެރެއިން ކަމަށް އިންޑިއާގެ އެކްސްޓާނަލް އެފެއާޒް މިނިސްޓްރީން ބުންޏެވެ.
ޖައިޝަންކަރުގެ މި ދަތުރުފުޅުގައި ވަނީ އީރާނުގެ ސުޕްރީމް ނޭޝަނަލް ސެކިއުރިޓީ ކައުންސިލްގެ ސެކްރެޓަރީ އަލީ އަކްބަރު އަހުމަދިއަންއާ ބައްދަލުކުރައްވާފައެވެ. މި ބައްދަލުކުރެއްވުމުގައި ދެފަރާތުން ވަނީ ދެޤައުމުގެ ގުޅުން ބަދަހިކުރުމާއި ސަރަޙައްދީ ކަންކަމާ ބެހޭގޮތުން މަޝްވަރާކުރައްވާފައެވެ. ޖައިޝަންކަރު އެކްސްއަށް ވިދާޅުވީ ސުޕްރީމް ނޭޝަނަލް ސެކިއުރިޓީ ކައުންސިލްގެ ސެކްރެޓަރީ އަލީ އަކްބަރު އަހުމަދިއަންއާ ބައްދަލުކުރެއްވި ކަމަށާއި، ބައިލެޓްރަލް އަދި ރީޖަނަލް މައްސަލަތަކާ ބެހޭ ގޮތުން ރަނގަޅު މަޝްވަރާއެއް ކުރެވުނު ކަމަށެވެ.
އީރާނަށް ވަޑައިގަތުމަށްފަހު ޖައިޝަންކަރު ތެހެރާނުގައި މަސައްކަތް ފެއްޓެވީ އީރާނުގެ މިނިސްޓަރ އޮފް ރޯޑްސް އެންޑް އާބަން ޑިވެލޮޕްމަންޓް މެހެރްދާދު ބަޒްރްޕާޝްއާ ބައްދަލުކުރައްވުމަށް ފަހުއެވެ. ޗާބަހާރު ބަނދަރާ ގުޅޭ ގޮތުން ދިގު މުއްދަތުގެ އެއްބާރުލުން ދިނުމުގެ އޮނިގަނޑެއް ގާއިމުކުރުމާ ބެހޭ ގޮތުން ދެ ބޭފުޅުން މަޝްވަރާ ކުރެއްވި އެވެ. އަދި އިންޓަނޭޝަނަލް ނޯތު ސައުތު ޓްރާންސްޕޯޓް ކޮރިޑޯއާ ބެހޭ ގޮތުން ވެސް ހިޔާލު ބަދަލުކުރެއްވި ކަމަށްވެސް ޖައިޝަންކަރު ވިދާޅުވިއެވެ.
އިންޓަނޭޝަނަލް ނޯތު-ސައުތު ޓްރާންސްޕޯޓް ކޮރިޑޯ (އައިއެންއެސްޓީސީ) އަކީ އިންޑިއާ ކަނޑުގެ ސަރަހައްދާއި ޕާސިއަން ގަލްފު އީރާން މަގުން ކެސްޕިއަން ކަނޑުގެ ސަރަހައްދާއި އޭގެ ފަހުން ރަޝިއާގެ ސެއިންޓް ޕީޓާސްބާގް މަގުން އުތުރު ޔޫރަޕަށް ގުޅުވައިދޭ މަލްޓި-މޯޑަލް ޓްރާންސްޕޯޓް ރޫޓެއް ކަމަށް މިނިސްޓްރީ އޮފް ޕޯޓްސް، ޝިޕިން އެންޑް ވޯޓާވޭސް އިން މީގެ ކުރިން ނެރުނު ނޫސް ބަޔާނެއްގައި ބުނެފައިވެ އެވެ.
އައިއެންއެސްޓީސީއަކީ ރަޝިއާ، ޔޫރަޕް އަދި މެދު އޭޝިއާގެ މާކެޓްތަކަށް އެގްޒިމް ޝިޕްމަންޓްތައް ވަނުމަށް ނަގާ ވަގުތު ކުޑަކުރުމަށް އިންޑިއާގެ ވިސްނުމާއި އިސްނެގުމެވެ. މި ކޮރިޑޯ ކާމިޔާބުކަމާ އެކު އެކްޓިވޭޓް ކުރުމުން ރަޝިއާ އާއި މެދުތެރޭ އޭޝިއާގެ ގައުމުތަކާ އިންޑިއާ ގުޅާލެވޭނެ އެވެ. އީރާނުގައި ހުންނަ ޗަބަހާރު ބަނދަރަކީ މި ސަރަހައްދަށް ހާއްސަކޮށް މެދު ތެރޭ އޭޝިއާގެ ކޮމާޝަލް ޓްރާންސިޓް ސެންޓަރެވެ.
ކޮމެންޓު ފޮނުވާ