ރައީސް ޑރ. މުހައްމަދު މުއިއްޒު އަޒުލުކުރާ ވާހަކަ ދެއްކީ ސަމާސާއަކަށް ދެއްކި ވާހަކައެއް ކަމަށާއި، އެހެންނަމަވެސް "އެ ގަޅީގައި" ސަރުކާރު ޖެހިއްޖެކަމަށް އެމްޑީޕީގެ ޗެއާޕާސަން ފައްޔާޒު އިސްމާއިލް ވިދާޅުވެއްޖެ އެވެ.
ރޭ ސަންގު ޓީވީގައި ވާހަކަ ދައްކަވަމުން ފައްޔާޒު ވިދާޅުވީ އެމްޑީޕީގެ ލީޑާޝިޕުގެ ފަރާތުން ރައީސް މުއިއްޒު އަޒުލުކުރާ ވާހަކަ ނުދައްކާ ކަމަށާއި، އެހެންނަމަވެސް އެމްޑީޕީގެ މަޖިލިސް މެންބަރުންގެ ތެރޭގައި އެ ވާހަކަ ސަމާސާ ގޮތެއްގައި ދެކެވުނު ކަމަށެވެ.
އެހެންނަމަވެސް އަޅުގަނޑަށް މިހާރު އެބަ ގަބޫލުކުރެވޭ އެކަމުގެ ކަންބޮޑުވުންވެސް އޮތުމުގެ ސަބަބުން ވަރަށް ބޮޑެތި ކަންތައްތަކާ އެއްކޮށް އަޅުގަނޑުމެންގެ މެމްބަރުންތަކެއް ގެންދިއުމަށް ސަރުކާރުން ނިންމީ. އަޅުގަނޑު އަޑު އެހިން ބައެއް ޕާޓީތަކުގެ ލީޑަރުންނާ ރައީސުލްޖުމްހޫރިއްޔާ ބައްދަލުކުރައްވައި މެމްބަރުން ހޯދުމަށްޓަކާ އެކިއެކި އެހީތެރިކަން ބޭނުންވާ ވާހަކަ އެ ބޭފުޅުންގެ އަރިހުގައި ދެންނެވި.
ރައީސް މުއިއްޒު އަޒުލްކުރާ ވާހައަކީ އެއްވެސް ސީރިއަސްކަމެއް އޮވެގެން ދެކެވުނު ވާހަކައެއް ނޫންކަމަށް މޭރުން ކުރައްވަމުން ފައްޔާޒު ވިދާޅުވިއެވެ.
ފައްޔާޒު ވިދާޅުވީ އެމްޑީޕީގެ 13 މެންބަރުން ޕީއެންސީއަށް ގެންދިއުމަށް 65 މިލިއަން ރުފިޔާ ހޯއްދަވަން ބައެއް ސިޔާސީ ލީޑަރުންގެ އަރިހުގައި ރައީސް މުއިއްޒު ފައިސާއަށް އެދިވަޑައިގެންނެވި ވާހަކަ އަޑުއެއްސެވި ކަމަށެވެ. ނަމަވެސް އެކަމުގެ ހަގީގަތެއް ނޭނގޭ ކަމަށް ފައްޔާޒު ވިދާޅުވި އެވެ.
One Response
ގަޅީ ރުންކުރުމެން، ސަމާސާއަކަށްތަ މަޖިލީހުގެ ޤަވާޢިދަށް ބަދަލުގެނެސް މަގުކޮށައި ގެރިގާޑިޔާ ދުއްވީ، ކުޑަކުދިންގެ ބޯކާލެވުނަސް ބޮޑެތި ފިރިހެނުންނާއި ބޮޑެތި އަންހެނުންގެ ބުއްދިއަކާ ނުކުޅެވޭނެ، މިވެރިން ނުކުމެ އެހެން ދެއްކި ވާހަކައެއްނޫނޭ، ސަމާސާއެކޭ، ދޮންފަޅޭ ބުނާއިރަށް ރައްޔިތުން އެކަން ޤަބޫލުކޮށްގެން މިވެރިންނަށް ސަނާކިޔާނެ ކަމަށް ހީކުރަނީތަ.