އެޑްވައިޒަރ ޓު ދަ މިނިސްޓަރ އޮފް ފިނޭންސްގެ މަގާމަށް އައްޔަންކުރެއްވި އަޙްމަދު މުނައްވަރާއި، އަޙްމަދު ނަޞީރު މަސައްކަތްކުރައްވާނީ ފުލްޓައިމްކޮށްކަމަށް ސަރުކާރުން ބުނެފިއެވެ.
އެޑްވައިޒަރ ޓު ދަ މިނިސްޓަރ އޮފް ފިނޭންސްގެ މަގާމަށް، ޢަހްމަދު ނަޞީރު، މުސްތަރީގެ، ކ. މާފުށި، އަދި އަޙްމަދު މުނައްވަރު، ދަފްތަރު ނަންބަރު ރސ 99031 މިއަދު ޢައްޔަނުކުރައްވައި މަގާމުގެ ފަތްކޮޅު ދެއްވާފައިވަނީ އިއްޔެއެވެ.
މި ދެބޭފުޅުން އެޑްވައިޒަރ ޓު ދަ މިނިސްޓަރ އޮފް ފިނޭންސްގެ މަގާމަށް ޢައްޔަނުކުރައްވާފައިވަނީ މިނިސްޓަރުންގެ ފެންވަރުގައެވެ. އަދި، ދެ ބޭފުޅުންގެ މަސްޢޫލިއްޔަތުތަކުގެ ތެރޭގައި ވަޒީރުންނަށް ބޭނުންވާ މާލީ އިރުޝާދު ދިނުން ހިމެނެއެވެ.
ރައީސް އޮފީހުން ބުނީ އެބޭފުޅުން ކޮންމެ ދުވަހަކުވެސް އޮފީހަށް ނިކުންނަވާނެކަމަށާއި، މުސާރަވެސް ނަންގަވާނެކަމަށެވެ. މިނިސްޓަރެއްގެ ހަމައެކަނި މުސާރައަކީ 57،000 ރުފިޔާއެވެ.
މީގެ ކުރީ ސަރުކާރުތަކުގައިވެސް މިނިސްޓަރުންނަށް ލަފާދެއްވުމަށް ޚާއްޞަ އެޑްވައިޒަރުން އައްޔަންކޮށްފައިވެއެވެ. އެގޮތުން ފިނޭންސް މިނިސްޓްރީގައި އާރިފް ހިލްމީ އާއި ކުރީގެ ފިނޭންސް މިނިސްޓަރު މުހައްމަދު ޖަލީލު ވެސް މަސައްކަތް ކުރެއްވިއެވެ. ނަމަވެސް މުސާރައެއް ނުނަންގައެވެ.
