ނައީމާގެ މަރުގެ މައްސަލާގައި ހައްޔަރުކުރި ތިން މީހުނަށް ދައުވާ ކުރަން ފޮނުވައިފި

ނައީމާގެ މަރުގެ މައްސަލާގައި ހައްޔަރުކުރި ތިން މީހުނަށް ދައުވާ ކުރަން ފޮނުވައިފި

ގުޅުންހުރި

ނ. މަނަދޫގައި ރަޚުމްކުޑަގޮތަކަށް މަރާލާފައި އޮތްވާ ފެނުނު ނައީމާ މޫސާ މަރާލިކަމުގެ ތުޙުމަތުގައި ހައްޔަރުކުރި 3 މީހުންނަށްވެސް ދައުވާކުރަން ފޮނުވައިފިއެވެ.

ނައީމާ މޫސާ މަރުވެފައި އޮތްވާ ފެނުނީ މިދިޔަ އޭޕްރީލް މަހުގެ 7 ވަނަ ދުވަހު އޭނާ ދިރިއުޅެމުންދިޔަ ގޭގައެވެ. މިއާއެކު މަރުގެ މައްސަލާގައި ފުލުހުންގެ ޚާއްޞަ ތަޙްޤީޤު ޓީމެއް މަނަދޫގައި ހަރަކާތްތެރިވެފައި ވެއެވެ.

ޕީޖީ އޮފީހުގެ ހާމަކޮށްފައިވާ ގޮތުގައި ނައީމާގެ މަރުގެ މައްސަލައިގައި ފުލުހުން ހައްޔަރުކޮށްފައިވާ ތިން މީހުންނަށް ދައުވާކޮށްދިނުމަށް ފުލުހުން މިހާރުވަނީ މައްސަލަ އެ އޮފީހަށް ފޮނުވާފައެވެ. އަދި އެ މައްސަލާގައި ދައުވާ ކުރުމާމެދު މިހަފްތާގައި ގޮތެއް ނިންމާނެކަމުގައިވެސް ޕީޖީ އޮފީހުން ހާމަކޮށްފައި ވެއެވެ.

މި މައްސަލައިގައި އެންމެ ފަހުން ހައްޔަރުކުރި މީހާ ނ. މަނަދޫ، ވިނަރެސް، ހަސަން ފަވާޒެވެ. މާލޭގައި އުޅެމުން ދަނިކޮށް ކޯޓު އަމުރެއްގެ ދަށުން ފުލުހުން އޭނޭ ހައްޔަރު ކޮށްފައިވަނީ މިއަަހަރުގެ މޭމަހުގެ 28 ވަނަ ދުވަހުގެ ރޭ، 9:00 ހާއިރުއެވެ. ފަވާޒަކީ ޒުވާން އުމުރުގެ ތެލެސީމިއާ މީހެއްކަމަށް މައުލޫމާތު ލިބިފައިވެއެވެ.

މި މައްސަލައިގައި އިތުރު ދެމީހަކު ހައްޔަރު ކޮށްފައިވަނީ މޭމަހުގެ 26 ވަނަ ދުވަހުއެވެ. އަދި އެ މީހުން އެ ރަށުތެރޭގައި އުޅުނު ޕްރައިވެޓު ކާރެއްވެސް ފުލުހުންގެ ބެލުމުގެ ދަށަށް ގެންގޮސްފައި ވެއެވެ. އަދި މައްސަލައާ ގުޅުން ހުރި އެހެނިހެން ހެކި ވެސް ފުލުހުން ވަނީ ހޯދައިފައި ވެއެވެ.

ނައީމާ މޫސާ މަރާލި މައްސަލައިގެ ތަހްޤީޤަށް ބޮޑެތި ކުރިއެރުންތަކެއް ލިބިފައިވާކަމަށް ފުލުހުން ބުނެފައި ވެއެވެ. އެގޮތުން ނައީމާ މޫސާ މަރާލުމަށް ބޭނުންކުރިކަމަށް ބެލެވޭ ތޫނު 2 ހަތިޔާރު އަދި ހަމަލާދިން ވަގުތު އެކަމުގައި ބައިވެރިވި މީހުން ލައިގެން ތިބި އަންނައުނު، ވަޅުގަނޑެއް ކޮނެ އެތަކެތި އަޅާ އަންދާޅުމަށްފަހު ފަސްއަޅާ ފޮރުވާފައިވާތަން ކޮނެ އެތަކެތި ނަގާ ފުލުހުންގެ ބެލުމުގެ ދަށަށް ގެނެސްފައިވާކަމަށްވެސް ފުލުހުން ބުނެފައި ވެއެވެ.

ތުހުމަތުކުރެވޭ ކަންތައްތަކެއް ހުރުމުން ނައީމާގެ މަރުގެ ތަޙްގީޤު ފުލުހުން ކުރިއަށް ގެންގޮސްފައިވަނީ ބަޔަކު ނުވަތަ މީހަކު އެނާ މަރާލާފައިވާކަމަށް ބަލައިގެންނެވެ.

ނައީމާގެ މަރުގެ ތަޙުޤީޤަށް ފުލުހުންގެ ގިނަ ޢަދަދެއްގެ ފޮރެންސިކް އެކްސްޓާޕުން އެ ރަށުގައި ހަރަކާތްތެރިވިއެވެ. އަދި އެ ރަށުގެ ގިނަ ބައެއްގެ ޑީ.އެން.އޭ ސާމްޕަލްވެސް ނެގިއެވެ.

ހިޔާލުފާޅު ކުރައްވާ!

Leave a Reply

Your email address will not be published. Required fields are marked *

ފަހުގެ