އަމާނާތްތެރިކަން ގެއްލިއްޖެނަމަ ޙަޔާތް ފުނޑުފުނޑުވެ، ޙައްގުތައް ގެއްލި، ފަސާދަ އާންމުވެ، ޚިޔާނާތް ފެތުރިގެން ހިގައިދާނެކަމަށް މިއަދުގެ ހުކުރު ޚުޡުބާގައި ވިދާޅުވެއްޖެއެވެ.

"އަމާނާތްތެރިކަމާއި މަސްއޫލިއްޔަތު" މި މައުޟޫއަށް ޚާއްސަ ކުރެވިގެންދިޔަ މިއަދުގެ ހުކުރު ޚުޡުބާގައި ވިދާޅުވީ މަސްއޫލިއްޔަތު އަދާކުރާމީހާ ވާންވާނީ، އޭނާ ހަވާލުވާ މަސައްކަތް ދަންނަ އަމާނާތްތެރިއަކަށް ކަމުގައެވެ. އަދި މަސްއޫލިއްޔަތަކީ ލުއިފަސޭހަ ކަމެއްކަމަށް ހީ ނުކުރުމަށް ނަސޭހަތްތެރިވަމުން މިއަދު ޚުޡުބާގައި ވިދާޅުވެފައިވަނީ އެއީ ހަމައެކަނި އަމުރުކުރުމާއި މަނާކުރުން ކަމަށްވެސް ނުދެކުމަށެވެ.

އެއީ ބައެއްގެ މައްޗަށް އަތްގަދަ ކުރުން ކަމަށް ނުދެކޭށެވެ! އެހެނަސް އެީ ބޮޑެތި ޒިންމާތަކެކެވެ. ނާޖާއިޒު ގޮތުގައި މިކަންކަން ކޮށްފިނަމަ، ގިޔާމަތްދުވަހުން "އޭ ސަހަރޯއޭ" ބުނަން ޖެހޭނެއެވެ. މާތް ﷲ އަންގަވާފައިވާ ގޮތަށް، މި މަސްއޫލިއްޔަތު އަދާކުރުމަށް ގަދައަޅައި މަސައްކަތް ކުރާށެވެ! އެކަމާ ބެހޭގޮތުން ސުވާލު ކުރެވޭނެތެވެ. އެ ސުވާލަށް ޖަވާބު ދިނުމަށް ތައްޔާރު ވާށެވެ!

ޚުޡުބާގައި ވިދާޅުވެފައި ވެއެވެ.

ޚުޡުބާގައި ވިދާޅުވެފައިވާ ގޮތުގައި މަސްއޫލިއްޔަތުތަކާ ހަވާލުވާ މީހާ، އޭނާގެ ރައްޔިތުންގެ ކަންތައްތައް ބަލަހައްޓައި އެމީހުންގެ މުހުތާދުތައް ފުއްދަައިދޭން ވާނެއެވެ.

ޚުޡުބާގައި އިތުރަށް ވިދާޅުވެފައިވާ ގޮތުގައި ބައެއް މީހުންނަށް މަސްއޫލިއްޔަތުގެ މަހުފޫމް ވަނީ އޮޅިފައެވެ. އެމީހުން ދެކޭގޮތުގައި، އެއީ ފަޚުރުވެރި ކަމާއި ޝަރަފްވެރި ކަމެއް ކަމަށާއި، އެއީ ތިމާގެ ބާރާއި މުއްސަނދިކަން ހުޅުވޭ ދޮރެއްކަމުގައިވެސް ބައެއް މީހުން ދެކޭކަމަށްވެސް ބުނެފައި ވެއެވެ.

އޭނާގެ އަމާޒަކީ ފިނި ކޮޓަރީގައި ބިޔަ މޭޒު ދޮށުގައި ބޮޑު ގޮނޑީގައި އިނދެ ކަންކަމަށް އަމުރުކޮށް، ކަންކަން މަނާ ކުރުމެވެ. މިވެނި މީހާއަށް މިވެނި ވަޒީފާއަށް، އެވެނި މީހާ އެވެނި ވަޒީފާއަށް އިސްކުރުމެވެ. މި ނުބައި މަފްހޫމުގެ ސަބަބުން މަސްއޫލިއްޔަތު ވަނީ ވާދަވެރިކަމުގެ ތެރެއަށް ވަދެފައެވެ. މިހެން މިވަނީ، އަމިއްލަ އެދުން ބޮޑުވުމާއި، އަޤީދާ ބަލިކަށި ވުމުގެ ސަބަބުންނެވެ.

މިއަދުގެ ހުކުރު ޚުޡުބާގައި ވިދާޅުވެފައި ވެއެވެ.

މިއަދު ޚުޡުބާގައި ވިދާޅުވެފައިވަނީ ކޮންމެ މީހަކުވެސް ބުއްދި ފުރިހަމަވެ، ވަކި އުމުރަކަށް ދިއުމުން އޭނާއަކީ މުކައްލަފެއް ކަމުގައެވެ. އެ ހިސާބުން އޭނާގެ އަމަލުތަކާމެދު ޒިންމާވާން ޖެހޭނެކަމުގައިވެސް ޚުޡުބާގައި ވިދާޅުވެފައި ވެއެވެ.