މިދިޔަ އަހަރުގެ އޮކްޓޯބަރު މަހުގެ 19ވަނަ ދުވަހު މަރާލާފައިވާ، އައިޖީއެމްއެޗުގެ ނަރުސް، މޭރީ ގްރޭސް މަރާލި މައްސަލާގައި ދައުވާ ލިބޭ އޭނާގެ ފިރިމީހާ މާވިން ބަންދަށް ލުޔެއް ނުދެވޭނެ ކަމަށް ކްރިމިނަލް ކޯޓުން ނިންމައިފި އެވެ.
ފާއިތުވި އަހަރުގެ އޮކްޓޯބަރު މަހުގެ 19ވަނަ ދުވަހު މަރާލި މޭރީގެ މަރުގެ މައްސަލަ ފުލުހުން ތަޙުގީގުކުރަން ފެށީ، އެޙާދިސާއާ ގުޅިގެން އާދަޔާ ޚިލާފައި ކަންތައްތަކެއް ފާހަގަކުރެވިގެންނެވެ. އޭނާ މަރުވެގެން ހޮސްޕިޓަލަށް ގެންގޮސްފައިވަނީ އޭނާގެ ފިރިމީހާއެވެ. އޭރު އޭނާ ބުނީ މޭރީ ދަންޖެހިގެން އަމިއްލައަށް މަރުވީކަމަށެވެ. މޭރީގެ މަރުގެ މައްސަލާގައި ހެދި ޕޯސްޓްމޯޓަމް ރިޕޯޓްގައި ވާގޮތުން މޭރީ މަރާލާފައިވަނީ ނޭވާ ހާސްކޮށްލައިގެންނެވެ.
ހަމަ އެމައްސަލާގައި ދައުވާ ދިވެހި ނަރުހެއް ކަމަށްވާ ޅ.ހިންނަވަރު މާފިނި، ހަލީމަތު ލަމްހާ އަބްދުއްރަހުމާންގެ މައްޗަށްވެސް ދައުވާކުރެއެވެ. ލަމްހާގެ މައްޗަށް ކުރަނީ އެކަމުގައި ބައިވެރިވުމުގެ ދައުވާގެ އިތުރުން އިންޖެކްޝަންތަކެއް ގެންގުޅުނު މައްސަލާގައި އިތުރު ދެ ދައުވާއެކެވެ.
ކުރިމިނަލް ކޯޓުން މިއަދުވަނީ ހަލީމަތު ލަމްހާ ތިން މަސްދުވަހަށް ބަންދުން ދޫކޮށްލުމަށް ނިންމައިފިއެވެ. އޭނާ ބަންދުން ދޫކޮށްލުމަށް ނިންމަފައި މިވަނީ ބަންދުގައި ހުންނަތާ 2 އަހަރުވާން ގާތްވެފައިިވަނިކޮށެވެ. ލަމްހާ ދޫކޮށްލާފައިވަނީ ރޭގަނޑުގެ ވަކި ވަގުތުތަކެއްގައި ގެއިން ބޭރަށް ނުނިކުތުމާއި މާލެއިން ބޭރަށް ދާނަމަ ހުއްދަ ހޯދުމަށް ޝަރުތުކޮށްފަ އެވެ.
އެހެންނަމަވެސް ކޯޓުން މިއަދު ނިންމާފައިވަނީ މާވިންގެ ބަންދަށް ލުޔެއް ނުދެވޭނެ ކަމަށެވެ.
ކޯޓުގައި މިހާރު ކުރިޔަށްދަނީ މިމައްސަލާއިގެ ހެކިބަސް ނެގުމުގެ މަރުހަލާއެވެ.
