ފަލަސްތީނުގެ މިނިވަންކަމަށާއި، އިސްރާއީލުން ގާޒާއަށް ދެމުންދާ އުދުވާނީ ހަމަލާތައް ވަގުތުން ހުއްޓާލުމަށް ގޮވާލާ މުޒާހިރާ ކުރަމުންދިޔަ ފަރާތްތަކުން މިއަދު ފްރިން މިނިސްޓްރީ ދޮށަށް އެއްވުމުން ފޮރިން މިނިސްޓަރ މޫސާ ޒަމީރު މުޒާހިރާގެ ބައިވެރިންނާއެކީ، ހަގުރާމަ ހުއްޓާލުމަށް އަޑު އުފުއްލަވައިފިއެވެ.
މިއަދުވެސް އިސްރާއީލާއި ދެކޮޅު މުޒާހިރާ އެންމެ ފުރަތަމަ ކުރިޔަށް ގެންދިޔައީ ރައްޔިތުންގެ މަޖިލިސް ކައިރީގައެވެ. އެވަގު މަޖިލިހުގެ ބައެއް މެމްބަރުންވަނީ އިސްރާއީލާ ދެކޮޅަށް ހުށަހަޅާފައިވާ ގަރާރު އަވަސް ކޮށްދޭނެކަމުގެ ޔަގީންކަން ދީފައި ވެއެވެ.
އެއަށްފަހު އެ މުޒާހިރާގެ ބައިވެރި ފޮރިން މިނިސްޓްރީ ދޮށަށް މިސްރާބު ޖެހިއެވެ. އަދި އިޒްރޭލުގެ ޕާސްޕޯޓު މަނާކުރުމަށާއި އިޒްރޭލުގެ އިސް ފަރާތްތައް ބްލެކު ލިސްޓު ކުރުމަށް ގޮވާލާ އަޑު އުފުލާފައިވެއެވެ. އަދި މުޒާހިރާގެ ބައެއް ބައިވެރިން މިނިސްޓަރ ޒަމީރާއި ބައްދަލުކުރަން އެދުމުން ޒަމީރު ނިކުމެވަޑައިގެން މުޒާހިރާގެ ބައިވެރިންނާ ބައްދަލުކޮށް ވާހަކަ ދެއްކެވިއެވެ.
އަދި މުޒާހިރާގެ ބައިވެރިންގެ ޝަކުވާތައް އެއްސެވުމަށްފަހު ޒަމީރު ވިދާޅުވީ ސަރުކާރު އޮތީ ފަލަސްތީނާ އެއްކޮށް ކަމަށާއި، ދިވެހި ސަރުކާރު ތާއީދު ކުރަނީ 1967ގެ ބޯޑަރާއި އެއްގޮތަށް ފަލަސްތީނުގެ މިނިވަން ދައުލަތެއް ގާއިމް ކުރުމަށް ކަމުގައެވެ.
އެއަށްފަހު މޫސާ ޒަމީރުވެސް ވަނީ ހަނގުރާމަ ހުއްޓާލުމަށް އަޑު އުފުލާފައެވެ.
ރައީސް މިދިޔަ ދުވަސްތަކުގެ ތެރޭގަ އޯއައިސީގެ ސެކެޓްރީ ޖެނެރަލާއި ފަލަސްތީނުގެ ސަފީރުގެ އިތުރުން، އެހެން ގައުމުތަކުގެ ބޭފުޅުންނާ ބައްދަލުކުރެއްވި، އެ ހުރިހާ ބޭފުޅުންގެ އަރިހުގައިވެސް ވިދާޅުވެފައިވީ އިމީޑިއެޓް ސީޒްފަޔާ އެއް އަޅުގަނޑުމެން ބޭނުންވާ ކަމަށާއި ހިއުމަނިޓޭރިއަން ކޮރިޑޯޒް ހުޅުވާލަން ޖެހޭނެ ކަމަށާއި 1967 ގެ ބޯޑަރުތަކަށް އަނބުރާ ދިއުމަށް، އެއީ އަޅުގަނޑުމެން ހުށަހަޅާ ހުށަހެޅުމަކީ.
މިހާރު ހިނގަމުންދާ ހަނގުރާމަ ހުއްޓާލުމަށް ރާއްޖެއިން ގޮވާލަމުންދާ ކަމަށް ވިދާޅުވަމުން ޒަމީރު ވިދާޅުވިއެވެ.
އެހާތަނުން މުޒާހިރާގެ ބައިވެރިން "ސީޒް ފަޔާ ނައު (ހަމަލާ ދިނުން މިހާރު ހުއްޓައިލާ)" މި އިބާރާތުން އަޑުއުފުލަން ފެށުމުން މޫސާ ޒަމީރުވެސް ވަނީ ނަމަ އެއިބާރާތުން މުޒާހިރާގެ ބައިވެރިންނާއެކީ އަޑު އުފުލާފައެވެ.
