އެކްޝަން ޑައިރެކްޓަރުގެ ގޮތުގައި މަޝްހޫރު ޑައިރެކްޓަރު ރޯހިތު ޝެޓީގެ "ސިންގަމް އެގެއިން" ގައި ޓައިގާ ޝްރޮފް ވެސް ފުލުހެއްގެ ރޯލުން ފެންނާނެކަން މިއަދު ކަށަވަރުކޮށް ދީފި އެވެ.
މި ފިލްމް އަކީ ބޮޑު ކާސްޓަކާއި އެކުގައި ގެނެސްދޭ ފިލްމްއެކެވެ. ރޯހިތުގެ ކޮޕް ޔުނިވާސްގައި ހިމެނޭ މި ފިލްމަކީ އަޖޭ ދޭވްގަން ލީޑްކުރާ އެއްޗެކެވެ. މީ ބެލުންތެރިންގެ މެދުގައި ވަރަށް ކާމިޔާބު ފިލްމް ތަކެކެވެ.
ޓައިގާ ފިލްމް އިން ފެނިގެންދާނެ ކަން ކަށަވަރު ކޮއްދިނުމުގެ ގޮތުން ޕޯސްޓަރެއް ވެސް ވަނީ ހިއްސާ ކޮށްފައިއެވެ. މި "ސިންގަމް އެގެއިން" ވާނީ ބޮލީވުޑްގެ މިހާރު އެންމެ ވަރުގަދަ ޒުވާން އެކްޝަން ހީރޯގެ ގޮތުގައި ލޭބަލްވެފައިވާ ޓައިގާ، ރޯހިތުގެ ފިލްމެއްގައި މަސައްކަތްކުރާ ފުރަތަމަ ފަހަރަށެވެ.
View this post on Instagram
އަންނަ އަހަރުގެ އޮގަސްޓް މެދު ތެރޭގައި ބެލުންތެރިންނަށް ގެނެސްދޭން ހަމަޖެހިފައިވާ "ސިންގަމް ގެއިން" ގެ ކާސްޓްގައި ކަރީނާ ކަޕޫރްގެ އިތުރުން ހާއްސަ ފެނިލުންތަކުގައި ދީޕިކާގެ ފިރިމީހާ، ރަންވީރު ސިންގް އާއި އަކްޝޭ ކުމާރު ވެސް ހިމެނޭނެ އެވެ. ރަންވީރަކީ ކޮޕް ޔުނިވާސްގެ 2018 ގެ ފިލްމު "ސިމްބާ" ގެ ބަތަލެވެ. އަކްޝޭ އަކީ ކޮޕް ޔުނިވާސްގެ 2021 ގެ "ސޫރިއަވަންޝީ" ގެ ބަތަލެވެ.
