ކުރިއަށް އޮތް އަހަރަށް ލަފާކުރާ ބެޖެޓުގެ މަސައްކަތްކުރެއްވުމަށް އިންތިޚާބީ ރައީސްގެ ފަރާތްޕުޅުން 8 ބޭފުޅުންގެ ކޮމިޓީއެއް އެކުލަވާލައްވާ ނަންތައް ހާމަކުރައްވައިފިއެވެ. އެޓީމުގައި ހިމެނިވަޑައިގަންނަވަނީ ދާއިރާގެ ތަޖުރިބާކާރު ބޭފުޅުންނެވެ.
އިންތިގާލީ މަރުހަލާގެ ތަރުޖަމާނު މުހައްމަދު ފިރުޒުލް އަބްދުﷲ ހަލީލް މިއަދު ވިދާޅުވީ މި ކޮމިޓީ ޗެއާ ކުރައްވަނީ މާވަށު ދާއިރާގެ މެންބަރު އަދި ކުރީގެ އިކޮނޮމިކް މިނިސްޓަރު މުހައްމަދު ސައީދުކަމަށެވެ.
ކޮމިޓީގައި ހިމެނިވަޑައިގަންނަވާ ބޭފުޅުން:
- މާވަށު ދާއިރާގެ މެންބަރު މުހައްމަދު ސައީދު
- ކުރީގެ ނައިބު ރައީސް އަބްދުﷲ ޖިހާދު
- ތ، ގުރައިދޫ ދާއިރާގެ މެންބަރު ޣައްސާން މައުމޫން
- ކުރީގެ ޓޫރިޒަމް މިނިސްޓަރު މޫސާ ޒަމީރު
- ކުރީގެ ފިނޭންސް މިނިސްޓަރު އަހްމަދު މުނައްވަރު
- ކުރީގެ ގަވަރުނަރު އަހުމަދު ނަސީރު
- ކުރީގެ މިނިސްޓަރ އޮފް ސްޓޭޓް ފޯ އިކޮނޮމިކް ރިލޭޝަން މުހައްމަދު ލުއޭޒް
- ޕެންޝަން އޮފީހުގެ ކުރީގެ ބޯޑް މެންބަރު އަބްދުލްހަލީމް އަބްދުއްލަތީފް
އަންނަ އަހަރަލަށް ލަފާކުރާ ދައުލަތުގެ ބަޖެޓުގެ ޖުމްލަ ސީދާ އަދަދު ނޭނގޭކަމަށް ފިރުޒުލް ވިދާޅުވިއެވެ. ނަމަވެސް ފިނޭންސް މިނިސްޓްރީން ވަނީ އަންނަ އަހަރުގެ ދަުލަތުގެ ބަޖެޓު 50.6 ބިލިއަނަށް އަރާނެކަމަށް ލަފާކޮށްފައެވެ.
