ކަމިޝަނާ އޮފް ޕޮލިސްގެ މަޤާމަށް ބޭފުޅަކު އައްޔަން ކުރައްވާއިރު، އެބޭފުޅަކީ ޤައުމުގެ އަމަން އަމާންކަމާއި ސުލްހަ މަސްލަހަތު ބެލެހެއްޓޭވަރުގެ މީހެއްކަން ކަށަވަރު ކުރެއްވުމަށްފަހު ނޫނީ ސީޕީ ކަމަށް މީހަކު އައްޔަން ނުކުރުމަށް މިހާރުގެ ހޯމް މިނިސްޓަރ އިމްރާން އެދިވަޑައިގެންފިއެވެ.

މިހާރުގެ ކަމިޝަނަރ އޮފް ޕޮލިސް އަކީ މުހައްމަދު ހަމީދެއެވެ. ޤާނޫނު އޮންނަ ގޮތުން ފުލުހުންގެ އެންމެހާ ކަންކަމުގެ ޒިންމާ އުފުލާ ފަރާތަކީ ހޯމް މިނިސްޓަރެވެ. އިމްރާން ވިދާޅުވީ ޑރ. މުއިއްޒުގެ ވެރިކަމެއްގައި ސީޕީއަކު ކަނޑައެޅުމަށް ގޮތް ކިޔުމަކީ އޭނާ އަށް އޮތް ކަމެއް ނޫންކަމަށެވެ.

ނަމަވެސް ޤައުމުގެ ހަމަޖެހުމާއި ސުލްހަޔާއި އަމާންކަން ގާއިމް ކުރުމަކީ ކޮންމެ ސަރުކާރަކުންވެސް ކުރަންޖެހޭ ކަމެއްކަމަށެވެ. އެގޮތުން ޑރ. މުއިއްޒުގެ ވެރިކަމެއްގައި ސީޕީއަށް މީހަކު އައްޔަން ކުރާއިރު އެމީހަކީ ރާއްޖޭގެ އަމަން އަމާންކަން ކަށަވަރު ކޮށްދެވޭ ވަރުގެ މީހެއްގެތޯ ކަށަވަރު ކުރުމަށްފަހު ނޫނީ އެކަން ނުކުރެއްވުމަށް އިމްރާން ވަނީ ޑރ. މުއިއްޒުގެ ކިބައި އެދިވަޑައިގެންފައެވެ.

މީ އަަޅުގަނޑާ ބެހޭ ކަމެއް ނޫނޭވެސް ބުނެވިދާނެ. "އެމީހެއްގެ ރޮނޑު ހަން ދަމާނެ ގޮތް އެނގޭނީ އެމީހަކަށެވެ." މުސްކުޅިން ބުނޭ. އެކަމު ހަމަ އަޅުގަނޑުމެންގެވެސް ޤައުމަށްވީތީ، ހިތަށް އުނދަގޫވާ ވަރުން ބުނެލަން. ދިވެހި ފުލުހުންގެ ސަފުތައް ރޫޅި، މުއައްސަސާގެ މަސްލަހަތު ގެއްލި، ޤައުމާއި ރައްޔިތުންގެ އަމާންކަން ކަށަވަރު ނުކޮށްދެވޭ ވަރުގެ ފަރާތެއް ކަމިޝަނަރ އޮފް ޕޮލިސް އަކަށް ނުލެއްވުމަށް އިންތިޚާބީ ރައީސް ޑރ. މުއިއްޒުއަށް އިލްތިމާސް ކުރަން.

– އިމްރާން ވިދާޅުވިއެވެ.

ހޯމް މިނިސްޓަރ އިމްރާއި، މިހާރުގެ ސީޕީ ހަމީދުގެ ސީޕީ ކަމުގައިވެސް ރާއްޖޭގައި އިޖުރިމާއީ މައްސަލަތަކަށް އެންމެ އެދެވޭ ހައްލެއް ގެނެވިފައި ނުވެއެވެ. އެގޮތުން މަސްތުވާތަކެތީގެ މައްސަލަތަކާއި ގޭންގު ކުށްތަކާއި، މީހުން މެރުން މާބޮޑުތަނުން މަދު ކުރެވިފައި ނުވެއެވެ. މިވެރިކަމުގައިވެސް ގޮތްނޭގޭ މަރުތަކާއި، ނުރައްކާތެރި އެތައް މަރުތަކެއް ވަނީ ފެނިގެން ގޮސްފައެވެ.