ދަ ޑިމޮކްރެޓްސް އުފައްދާ ރައީސް ނަޝީދު އެމްޑީޕީ ރޫޅާލާނެކަމަށް ވިދާޅުވި ވިދާޅުވުން ނިމިދިޔަ ރިޔާސީ އިންތިޚާބުގެ ނަތީޖާއިން ހަގީގަތަކަށް ހަދާފައިވާކަން ހާމަވެފައިވާކަމަށް ރައްޔިތުންގެ މަޖިލީހުގެ ނައިބް ރައީސް އީވާ ވިދާޅުވެއްޖެއެވެ.
އީވާ މިހެން ވިދާޅުވީ މަޖިލީހުގެ މިއަދު ޖަލްސާގައި ވާހަކަ ދައްކަވަމުން އީވާ ވިދާޅުވީ ޑިމޮކްރެޓްސް އުފެދުނުތަ މަދު ދުވަސްތެރޭގައި ބޭއްވި ރިޔާސީ އިންތިޚާބުގައި ހޯދި ކާމިޔާބީއަކީ ބޮޑު ކާމިޔާބެއް ކަމަށެވެ. އިންތިޚާބުގައި ވާދަކުރި މަގުސަދާއި ހާސިލް ކުރަން ބޭނުންވި ކަންތައް ހާސިލް ކުރެވިފައިވާކަމަށް އީވާ ވިދާޅުވިއެވެ.
ޑިމޮކްރެޓްސްގެ މެމްބަރުންނަށް ތަކުރާރުކޮށް ކުރަމުންދިޔަ ޖެއްސުމާއި، ވަޒީފާތަކުން ވަކި ކުރުމާއި، ދެމުންދިޔަ ހިއްތަދަތިކަމަކީ ހިތުން ފިލައިގެން ދާނެ ކަންތައްތަކެއް ނޫންކަމަށް އީވާ ވިދާޅުވިއެވެ. ހަމަ މިއާއިއެކު ރައީސް ނަޝީދަށް ތާއީދު ކުރައްވާ އެތައް މެމްބަރުންނެއް ބާކީކޮށް ނިކަމެތިކޮށް އެކަހެރި ކޮށްގެން ލިބުނު ނަތީޖާ މިއަދު ހިތިކަމަށް އީވާ ވިދާޅުވިއެވެ.
މިޕާޓީ އުފެދުމާއިއެކު މަނިކުފާނުވެސް ވިދާޅުވި ރޫޅާލާނަމޭ. ރޫޅާލާނަމޭ. ސުވާލެއްވެސް ނެތް ރޫޅާލެވިއްޖެ. ދެން އަދި ދެން އަންނަ ސަރުކާރެއްގައި ދެވަނަ ބުރުގައިވެސް އަޅުގަނޑުމެން ދަ ޑިމޮކްރެޓުން އަޅާ ފިޔަވަޅަކީ މުހިންމު ފިޔަވަޅެއް ކަމާއި ދޭތެރޭގައި އެއްވެސް މީހަކު ޝައްކެތް ނުކުރާނެ.
– އީވާ ވިދާޅުވިއެވެ.
އީވާ ވިދާޅުވީ ދެވަނަ ބުރުގައި ޑިމޮކްރެޓްސް އިން ނިންމާ ނިންމުމަކީ ކޮންމެ ކެންޑިޑޭޓަކަށްވެސް މުހިންމު ނިންމުމަކަށް ވެގެންދާނެކަމަށެވެ. އީވާ ވަނީ ރާއްޖޭގެ އެކި ކަންކޮޅުތަކުން ޑިމޮކްރެޓްސްއަށް ތާއީދުކޮށް ވޯޓު ދެއްވި އެންމެހާ ރައްޔިތުންނަށް ޝުކުރު އަދާކުރައްވާފައެވެ.
ރިޔާސީ އިންތިޚާބުން އިލްޔަސްއަށް ލިބިވަޑައިގަތީ އެއީ 15839 ވޯޓެވެ. އެއީ އިންތިޚާބުގައި ވޯޓުލީ މީހުންގެ 7.18 އިންސައްތައެވެ.
