ގިނަ ދުވަސްތަކެއް ވަންދެން ސިޔާސީ ކަންކަމާއި ދުރުގައި ހުންނެވުމަށްފަހު ރައީސް ޔާމީންގެ އަނބިކަނބަލުން މިރޭ ޕީޕީއެމް ޖަގަހަށް ވަޑައިގެން ބޮޑު ތަކުރުފާނު މަގުގައިި ޢާންމުންނާިއ ސަލާން ކުރަމުން ދަނިކޮށް ރައީސް ނަޝީދު ވަޑައިގެން މެޑަމް ފާތުން އަށް ހިތްވަރުދީ ރައީސް ޔާމީން މިނިވަން ކުރުމަށް ގޮވާލައިފިއެވެ.

މެޑަމް ވަނީ ޖަގަހައަށް ވަޑައިގެންނެވުމަށްފަހު އެސަރަހައްދަށް އެއްވެފައިވާ އެތައް ސަތޭކަ އަންހެން ކަނބަލުންނާއި ސަލާން ކުރަމުން ގެއާއި ހަމައަށް ވަޑައިގަންނަވާފައެވެ. މެޑަމް ފާތުން މީހުންނާއި ސަލާން ކުރަމުން ދަނިކޮށް ކުއްލިއަކަށް އެސަރަހައްދަށް ރައީސް ނަޝީދު ވަނީ ވަޑައިގެން މެޑަމް ފާތުންއާއި ސަލާން ކުރައްވާ ހިތްވަރު ދެއްވައި އެސަރަހައްދުގައި ގުގުމަން ދިޔަ ރައީސް ޔާމީން މިނިވަން ކުރުމަށް ގޮވާލި ގޮވާލުމުގައި ބައިވެރިވެ ވަގުތުން ވަގުތަށް ރައީސް ޔަމީން މިނިވަން ކުރުމަށް ގޮވާލާފައެވެ.

ރައީސް ނަޝީދު ވަޑައިގެންނެވުމުން ޕީޕީއެމްއާއި އެސަރަހައްދުގައި ތިބި ޑިމޮކްރެޓްސްގެ ޢާންމު މެމްބަރުންގެ ތަރުހީބާއިއެކު އިިތުރަށް ވަނީ އެސަރަހައްދުގެ ފޯރި ގަދަވެގެން ގޮސްފައެވެ.

ޗޯރު އިބުރޭ ނޫންގޮތެއް pic.twitter.com/N9VLi75CIx

— Shizna (@shizna_shiz) September 4, 2023

ރައީސް ނަޝީދު ވަނީ މީގެ ކުރިންވެސް ރައީސް ޔަމީން މިނިވަން ކުރުމަށް އެކި ފަހަރު މަތީން ގޮވާލާފައެވެ. ރިޔާސީ އިންތިޚާބުގައި ރައީސް ޞާލިހު ބަލިކުރުމަށް އެންމެ ބޮޑަށް މަސައްކަތް ކުރަމުންދާ އެއްބޭފުޅަކީ ރައީސް ނަޝީދެވެ. ރައީސް ނަޝީދު ވިދާޅުވެފައިވަނީ މިސަރުކާރު ބަލިކުރުން ނޫން ގޮތެއް ނެތްކަމަށެވެ.