ޕީޕީއެމް ޕީއެންސީގެ ރިޔާސީ ކެންޑިޑޭޓް ޑރ.މުޙައްމަދު މުޢިއްޒުގެ ކެމްޕެއިން ހިންގަނީ ރައީސް ޔާމީންގެ ފުރިހަމަ އިރުޝަދުގެ ދަށުންކަމަށް ޕީއެންސީގެ ނާއިބު ރައީސް އިބްރާހީމް ޝުޖާޢު ވިދާޅުވެއްޖެއެވެ. ޝުޖާޢު މިހެން ވިދާޅުވީ އިއްޔެ އޮތް ރައީސް ޔާމީންގެ ޝަރީޢަތަށްފަހު، ޑރ.މުޢިއްޒުއަށް އެމަނިކުފާނުގެ ތާޢީދު ނެތްކަމަށް ވިދާޅުވެފައިވާކަމަށް ބުނެ ނޫހެއްގައި ޝާޢިއުކޮށްފައިވާ ޚަބަރަކާއި ގުޅިގެންނެވެ.
ޑރ.މުޢިއްޒަށް ރައީސް ޔާމީންގެ ތާޢީދު ނެތްކަމށާއި، އެމަނިކުފާނު އިންތީޚާބަށް ކުރިމަތިލައްވައިގެން އުޅުއްވަނީ އެކަނިކަމަށް ނޫހުގައި ރައިސް ޔާމީން ވިދާޅުވިކަމަށް ބުނެފައިވެއެވެ. މި ވާހަކަތައް ދޮގުކުރައްވާ ޝުޖާޢު ވިދާޅުވީ އެއީ އެއްވެސް ހަޤީގަތެއްނެތް ދޮގު ވާހަކަ އެއްކަމަށެވެ. ރައީސް ޔާމީންގެ ރުހުމާ ތާއީދާއެކު އެމަނިކުފާނު އެންޑޯސްކޮށް ނެރުއްވާފައިވާ ރިޔާސީ ކެނޑިޑޭޓް ޑރ. މުޙައްމަދު މުޢިއްޒު މިއިންތިޚާބު އެއްބުރުން ކާމިޔާބު ކޮށްފާނެތީ މިސަރުކާރުން ރާވައިގެން ރައީސް ޔާމީންގެ ނަންފުޅު ބޭނުންކުރައްވައިގެން ހަޤީގަތާއި ހިލާފް ވާހަކަތައް ފެރުތުމަކީ ކެނޑިޑޭޓްގެ އިންތިޚާބީ ހައްޤުތަކަށް އަރައިގަތުންކަމަށް ޝުޖާޢު ވިދާޅުވިއެވެ. އަދި މިކަން ހަރުކަށި އިބާރާތުން ކުއްވެރިކުރާކަމަށްވެސް ޝުޖާޢު ވިދާޅުވިއެވެ.
ޑރ މުޢިއްޒުގެ ކެމްޕެިއިން މިދެޕާޓީން މިހިންގަނީ ރައީސް ޔާމީންގެ ފުރިހަމަ އިރުޝާދުގެ ދަށުން.
– ޝުޖާޢު ވިދާޅުވިއެވެ.
ޝުޖާޢު މ ިހެން ވިދާލުވެފައިވާއިރު، ރައީސް ޔާމީން، ޑރ.މުޢިއްޒު އެންޑޯޒްކުރައްވާފައިވާކަމުގެ ޔަޤީންކަން ރައީސް ޔާމީންގެ އެންމެ އަރިސް ބޭފުޅަކަމަށްވާ ޢަބްދުއްރަޙީމް ޢަބްދުﷲވެސް ވަނީ ވިދާޅުވެފައެވެ.
