ކުރީގެ ނައިބު ރައީސް އަހުމަދު އަދީބު ބޭސްފަރުވާއަށް ރާއްޖެއިން ބޭރުގައި ހުރުމުގެ މުއްދަތު މޯލްޑިވްސް ކަރެކްޝަނަލް ސާވިސް އިން އިތުރުކޮށްދީފިއެވެ.
ޑޮކްޓަރުންގެ ލަފައާއެކު ބޭރުން ފަރުވާ ހޯއްދަވަން އަދީބު ސިންގަޕޫރަށް ވަޑައިގަތީ މިދިޔަ މަހުގެ 12 ވަނަ ދުވަހުގެ ރެއެވެ. ކަރެކްޝަނަލް ސާވިސް އާއި ފުލުހުންގެ ސެކިއުރިޓީގެ ބެލުމުގެ ދަށުން އެ ގައުމަށް ވަޑައިގަތުމުގެ ހުއްދަ ފުރަތަމަ ދިނީ 10 ދުވަހަށެވެ. ނަމަވެސް ފަހުން ދިން މުއްދަތު އިއްޔެ ހަމަވުމުން އަނެއްކާ ވެސް އިތުރުކޮށްފައިވެ އެވެ.
ކަރެކްޝަނަލް ސާވިސްގެ މީޑިއާ އޮފިޝަލަކު ވިދާޅުވީ، ބޭސްފަރުވާ އަށް ދިން މުއްދަތު އަންނަ މަހުގެ 15އާ ހަމައަށް އިތުރުކޮށްފައިވާ ކަމަށެވެ. ފުރާނަ އަށް ނުރައްކާވާ ފަދަ، ނާރުގެ ބައްޔަކަށް ފަރުވާ ހޯއްދަވަން އަދީބަށް ޖެހުނީ 2015 އަހަރުން ފެށިގެން އޭނާ ޖަލުގައި ބަންދުކޮށްގެން ގެންގުޅުނު ދުވަސްވަރު ކަމަށް އޭނާގެ ޕާޓީ، އެމްޓީޑީން ބުނެއެވެ.
އެމްއެމްޕީއާރުސީގެ ބޮޑު ހިޔާނާތާ ގުޅިގެން އަދީބުގެ މައްޗަށް 20 އަހަރުގެ ޖަލު ހުކުމެއް އިއްވިއެވެ. ދައުލަތާ އެކީގައި އަދީބު އިއުތިރާފް އެއްބަސްވުމެއް ހަދާފައިވާއިރު، ސިއްހީ ހާލަތު ހުރި ގޮތުން އަދީބު މިހާތަނަށްވެސް ހުންނެވީ ގޭބަންދުގައެވެ.
One Response
ކޮންމެގޮތެއް ހަދާފަވެސް އަދީބު ފޮރުވޭނެ ގޮތެއް މި ޣައްދާރު ސަރުކާރުން ހޯދޭތޯބަލާނެ، އިބޫގެ 5 އަހަރުގެ ދައުރެއްމި ނިންމާލަނީ ތިޚާއިނުކަލޭގެ ( އަދީބުގެ ) އަތްގާތްކޮށްދިނުމާ އަތްބާރުއަޅައިދީގެންވިއްޔަ، ރައީސް އިބުރާހިމް ވެރިކަމަށް އެރީވެސް ރައީސްއިބުރާހިމްގެ ހިތުގާ އެންމެ ބިރުވެރިކަމެއް ހަސަދަވެރިކަމެއް ރޔާމީން ދިގުމއްދަތަކަށް ޖަލަށްލާނެކަމުގެވައުދު އެހެންގޮތަކަށްބުނާނަމަ މެނިފެސްޓޯއެއްގެ ގޮތުގާވެސް ރައިއްޔަތުންނަށް ދެއްކީ ރޔާމީން ޖަލަށްލުން، ރޔާމީން ޖަލަށް ނޫނިއްޔާ ރައިއްޔަތުންނަށް ވީ ހަމައެންމެ ވައުދެއްވެސް ނުފުއްދުން،އެކަންވަރަށްފުރިހަމަޔަށް ކޮށްފި 5 އަހަރުގެ ދައުރެއްމި ނިންމާލަނީ ރޔާމީން ރަހީނުކޮށް އަނިޔާދެމުންވިއްޔަ، ރއީސްއިބުރާހިމް ނާގާބިލު ވުމަކީ ވެރިކަމަށްކުފޫހަމަނުވުމަކީ ރޔާމީންގެ ކުށެއްނޫނޭ،
މިހާރުމިގައުމު ސަދޫމަށްވުތެވެސް ހާލަތު ނުބައިވެއްޖެ ސަދޫމުގާ ެސް ހުކުން ކޮންމެގޮތަކަށް ކުރިއަސް ކުށްކުރި އެންމެނާމެދު ޝަރީއަތް ހިންގާވިއްޔަ، އަނެއްކާ ސަދޫމުގެ ރަސްގެފާނު ވަކިބަޔަކު ލއްވާ ހެކިބަސް ނަގާކަށް ސަރީއަތްތެރެއަށް އަތްފައިބާނައިގެން ސަދޫމުފަނޑިޔާރުންނަށް ރިޝްވަތުދީ ބިރުދައްކާ، ހުކުން ކުރަންވިގޮތް ބުނެދީ ނުހަދާވިއްޔަ، މިގައުމުގެރަސްގެފާނު މިހުރިހާ ކަމެއްވެސް އެބަކުރޭ، އެހެންވެ ސަދޫމަށްވުރެވެސް ނުބައިވެއްޖެތާދޯ،