ޕީޕީއެމްގެ ރައީސް ޔާމީންގެ އެއްވެސް ޝަރުތެއް ނެތްކަމަށާއި، އެމަނިކުފާނުގެ ފުރިހަމަ އިތުބާރު އެބައޮތްކަމަށް ޕީއެންސީގެ ކެންޑިޑޭޓް ޑރ. މުހައްމަދު މުއިއްޒު ވިދާޅުވެއްޖެއެވެ.
ރިޔާސީ އިންތިޚާބަށް ޑރ.މުއިއްޒު ކުރިމަތި ލެއްވީ އެންމެ ފަހުވަގު ޕީއެންސީގެ ތެރޭގައި ބޭއްވި ޕްރައިމަރީ ކާމިޔާބު ކުރައްވައިގެންނެވެ. އިންތިޚާބަށް ވާދަކުރެއްވުމަށް ޑރ.މުއިއްޒު ފޯމު ހުށަހެޅުއްވީވެސް ރައީސް ޔާމީންގެ ފުރިހަމަ އިތުބާރާއި ތާއީދާއިއެކުގައެވެ. ރައީސް ޔާމީނަށް ކުރިމަތި ނުލެވޭ ހާލަތުގައި ޕީޕީއެމް، ޕީއެންސީގެ ކެންޑިޑޭޓަކީ ޑރ.މުއިއްޒުކަމަށް ކަނޑައަޅައި މުއިއްޒުގެ ފަހަތްޕުޅަށް މުޅި ލީޑަރޝިޕް މިހާރުވަނީ އަރާފައެވެ.
މިހާރު ނޫހަށް ދެއްވި އިންޓަރވިއުއެއްގައި މުއިއްޒު ވިދާޅުވީ ރިޔާސީ އިންތިޚާބަށް ކުރިމަތި ލައްވާފައިވަނީ ރައީސް ޔާމީންގެ ފުރިހަމަ އިތުބާރާއި އެކީގައި ކަމަށެވެ. އިންތިޚާބުގައި ވާދަކުރެއްވުމަށްފަހު ރައީސް ޔާމީންގެ ފަރާތްޕުޅުން އެއްވެސް ޝަރުތެއް ހުށަހަޅުއްވާފައި ނުވާކަމަށް މުއިއްޒު ވިދާޅުވިއެވެ.
ދައުރުގެ މެދުތެރެއިން އިންތިޚާބެއް ބޭއްވުމަށް ރައީސް ޔާމީން އެދިވަޑައިގަތްތޯ ކުރެވުނު ސުވާލުގައި މުއިއްޒު ވިދާޅުވީ ފަސް އަހަރުގެ ދައުރެއް ފުރިހަމަ ކޮށްގެން ނޫނިއްޔާ ކަންކަން ނުކުރެއްވޭނެ ކަމަށެވެ.
މުއިއްޒު ވިދާޅުވި ގޮތުގައި ޔާމީންގެ އިތުބާރު އޭނާ އަށް އެބައޮތެވެ ވިދާޅުވީ، ދައުރުގެ މެދުތެރެއިން އޭނާ އިންތިހާބެއް ބާއްވައި ޔާމީނާ ވެރިކަން ހަވާލު ކުރައްވާނެ ކަމަށް ބުނެ ދައްކަނީ ބުހުތާނު ދޮގެއް ކަމަށެވެ. އޭނާ ވިދާޅުވީ، ވެރިކަމަށް ވަަޑައިގަންނަވަނީ އަދުލުވެރި ވެރިކަމެއް ކުރައްވަން ކަމަށާއި ހަމަޖެހުމާއި ކުރިއެރުން ގައުމަށް ގެންނަން ކަމަށެވެ.
މުއިއްޒު ވިދާޅުވީ ސިޔާސީ އެހެން ޕާޓީތަކަށް ވީގޮތެއް ޕީޕީއެމްއަށް ނުވާނެކަމަށެވެ. ޕީޕީއެމްގެ ރައީސަކީ ރައީސް ޔާމީން ކަމަށާއި، ރައީސް ޔަމީނަށް ފުރިހަމަ އިހުތިރާމް އަބަދުވެސް އޮންނާނެކަމަށެވެ. ކުރީގެ ރައީސް މައުމޫން އަބްދުލްގައްޔޫމާއި ޔާމީން އަދި މިހާރުގެ ރައީސް އިބްރާހިމް މުހައްމަދު ސޯލިހާއި ކުރީގެ ރައީސް މުހައްމަދު ނަޝީދުގެ މެދުގައި ޕާޓީ ކޯޅުން ފެނިފައިވާއިރު އެފަދަ ކަމެއް ޔާމީންގެ ފަރާތްޕުޅުން މުއިއްޒަށް ކުރިމަތިވެދާނެތޯ ސުވާލު ކުރުމުން މުއިއްޒު ވިދާޅުވީ، ޔާމީނަކީ ޕީޕީއެމްގެ ރައީސް ކަމަށެވެ.
މުއިއްޒު ވަނީ ވެރިކަން ލިބިއްޖެނަމަ ފުރަތަމަވެސް ޤާނޫނީ ހަމަތަކުގެ މަތީން ކުރައްވާނެ ކަމަކީ ރައީސް ޔާމީން މިނިވަން ކުރުންކަމަށެވެ. ރައީސް ޔާމީނަކީ މިރާއްޖޭގެ އެތައްހާސް ރައްޔިތުންގެ ލޯތްބާއި ތާއީދު އޮތް ބޭފުޅަކަށްވާއިރު ރައީސް ޔާމީނަށް އޮތް އިހުތިރާމާއި ގަދަރު ދުވަހަކުވެސް ނުކެނޑޭނޭކަމަށް މުއިއްޒު ވިދާޅުވިއެވެ.
