މިހާރު ސިނަމާގައި އޮތް ބެލުންތެރިންގެ ބޮޑު ތަރުހީބެއް ލިބެމުން އަންނަ ކަރަން ޖޯހަރުގެ ފިލްމް "ރޮކީ އޯރް ރާނީ ކީ ޕްރޭމް ކަހާނީ" ގެ ސީކްއެލްއެއް ގެނެސްދޭނެ ކަމުގެ އިޝާރާތެއް އޭނާ ދީފިއެވެ.
މިކަން ހާމަ ކުރަމުން ފިލްމު ކްރިޓިކް އަނޫޕަމާ ޗޯޕްޅާގެ ފިލްމު ކޮމްޕޭނިއަން އަށް ދިން އިންޓަވިއުއެއްގައި ކަރަން ބުނީ ފިލްމްގެ ޖާދޫގައި މުޅި ދުނިޔެ ޖެހިފައިވާ ކަމަށާއި އަދި ފިލްމްގެ މެއިން ކެރެކްޓަރުންނަށް އާންމުންގެ ލޯބި ވަރަށް ބޮޑަސް ލިބިފައިވާތީ ސީކުއަލް އެއް ނުވަތަަ ދެވަނަ ބައެއްގެ ވާހަކަތަށް ދެކެވެމުން އަންނަ ކަމަށެވެ.
އުންމީދު ކުރި ގޮތަށް މި ފިލްމް ވެގެން ގޮސްފައިވަނީ ވަރަށް ކާމިޔާބު ފިލްމް އަކަށެވެ. މި ފިލްމް އަކީ ލީޑުން އާލިއާ ބަޓް އާއި ރަންވީރު ސިންގް ފެނިގެންދާ ފިލްމްއެކެވެ. މި ފިލްމް އަކީ އާންމުކޮން ކަރަން ގެނެސްދޭ ފާޑުގެ ތިނެސްކަން ލޯބީގެ ވާހަކައެއްގެ މައްޗަށް ބިނާކޮށް ހަދައިފައިވާ ފިލްމްއެކެވެ.
View this post on Instagram
މީގެ އިތުރުން މި ފިލްމްގެ ކާސްޓުގައި ދަރުމެންދުރަ އާއި ޝަބާނާ އަޒްމީ އަދި ޖާޔާ ބައްޗަން ވެސް ހިމެނެއެވެ. ފިލްމް ސިނަމާތަކަށް ގެނެސްފައިވަނީ މި ނިމިދިއަ ޖުލައި މަހުގެ 28 ވަނަ ދުވަހުގައިއެވެ.
