ބިންހިއްކައިގެން އެ ބިންތަކުގައި ސަރުކާރުން ޚަރަދު ކޮށްގެން ފްލެޓް އެޅުމަށްފަހު އެ ފްލެޓްތައް ހިލޭ ދިނުމަކީ އެއްވެސް އިރަކު ސަރުކާރުން އަމަލު ކުރަމުން އަންނަ އުސޫލެއް ނޫންކަމުގައި ހައުސިލް މިނިސްޓަރު މުހައްމަދު އަސްލަމް ވިދާޅުވެއްޖެއެވެ.
ސަރުކާރުން ދޭ ގޯއްޗާއި ފްލެޓް ލިބޭ ފަރާތްތައް އާންމު ކުރުމަށްފަހު މިއަދު ބޭއްވި ނޫސްވެރިންގެ ބައްދަލުވުމުގައި ވާހަކަ ދައްވަމުން މިނިސްޓަރު އަސްލަމް ވިދާޅުވީ ބިންހިއްކާފަ އަދި އެއަށްވުރެ ބޮޑު ޚަރަދެއް ފްލެޓް އަޅަން ކުރަންޖެހޭ ކަމަށާއި، ފްލެޓް އަޅާފަ ފެލްޓް ހިލޭ ދިނުމަކީ ރިހޭ ފައިމައްޗަށް ފޮއި ވެއްޓުން ކަހަލަ ކަމެއް ކަމަށެވެ. އަދި އޭނާ އިތުރަށް ވިދާޅުވީ އެކަހަލަ އުސޫލުކަށް އަމަލުން ކުރަން ފަށައިފިނަމަ މައްސަލަ އިތުރަށް ވާނީ ގޯސްކަމަށާއި، އެއީ ދާންވީ މިސްރާބު ނޫންކަމަށެވެ.
ބިންހިއްކާފަ އަދި އެއަށްވުރެ ބޮޑު ޚަރަދެއް ކުރަންޖެހޭ ފްލެޓް އަޅަން. ދެން އެއްވެސް އިރެއްގެ ރާއްޖޭގެ އުސޫލެއްގެ ގޮތަށްވެސް، ގަވާއިދެއްގެ ގޮތަށްވެސް އެއްވެސް އިރެއްގެ ޕްރެކްޓިސް ކުރަމުން އައިކަމެއް ނޫން ފްލެޓް އެގޮތަށް އަޅާފަ ފްލެޓް ހިލޭ ދިނުމަކީ. އަޅުގަޑު ގަބޫލުކުރަނީ އޭރުން ރިހޭ ފައިމައްޗަށް ފޮއި ވެއްޓުންކަހަކަ ކަމެކޭ އޭރުން އަނެއްކާ އެކުރެވެނީ. މިކަން ހައްތާ ގޯސް އެކުރެވެނީ. އެއީ އަޅުގަޑު ގަބޫލެއް ނުކުރަން ދާންވީ މިސްރާބު ކަމަށް.
މިއަދުގެ ނޫސްވެރިންގެ ބައްދަލުވުމުގައި ވާހަކަ ދައްކަވަމުން އަސްލަމް ވިދާޅުވިއެވެ. އަސްލަމް އިތުރަށް ވިދާޅުވީ އެހެންނަމަވެސް އަދިވެސް އިތުރަށް މިސަރުކާރުން ފްލެޓް އަޅާނެ ކަމަށެވެ.
ފްލެޓް އަޅާފަ ފްލެޓް ހިލޭ ދިނުމަކީ ރިހޭ ފައިމައްޗަށް ފޮއި ވެއްޓުންކަހަލަ ކަމެއްގެ ގޮތުގައި އަސްލަމް ސިފަ ކުރެއްވިއިރު، ކުރިޔަށް އޮތް ރިޔާސީ އިންތިޚާބުގައި ވާދަކުރައްވާ ޖުމުހުރީ ޕާޓީގެ ރިޔާސީ ކެނޑިޑޭޓް ގާސިމް އިބުރާހިމް ވިދާޅުވީ ވެރިކަމަށް ވަޑައިގެންނެވިއްޖެނަމަ ހުޅުމާލޭގެ ހުރި ހުރިހާ ފްލެޓެއްގެ ކުލި މާފް ކޮށްދެއްވާނެ ކަމުގައެވެ. ސަބަބެއްކަމުގަ ގާސިމް ވިދާޅުވީ އެއްބަޔަކަށް ހިލޭ ގޯތި ދިނުމަށްފަހު އަނެއްބަޔަކު ކުލި ދައްކައިގެން ދިރިއުޅެން ޖެހުމަކީ އިންސާފެއްކަމުގައި ނުވާތީއެވެ.
ބިންވެރިޔާ ޕްރޮގްރާމްގެ ދަށުން ގޯތި ހޯދަން އެދުނު އެންމެންނަށް ގޯތި ދޭން ސަރުކާރުން ނިންމާފައިވާ ކަމަށް މިއަދުގެ ނޫސްވެރިންގެ ބައްދަލުވުމުގައި އަސްލަމް ވަނީ ވިދާޅުވެފައެވެ.
މާލޭ ސަރަޙަށްދައް ކުރިމަތިވެފައިވާ ބޯހިޔާވަހިކަމުގެ މައްސަލައަށް ޙައްލެއް ގެނައުމަށް މާލޭގެ ރަށްވެހިންނަށް ގޯއްޗާއި ފްލެޓު ދެއްވުމަކީ ރައީސުލްޖުމްހޫރިއްޔާ އިބްރާހީމް މުޙައްމަދު ޞާލިޙު ރިޔާސީ ވަޢުދުފުޅެކެވެ. މިގޮތުން ރައީސް ވަނީ މާލެ ސަރަަހއްދުންމާލޭގެ ރައްޔިތުންނަށް 5000 ގޯތި ދެއްވުމަށް ނިންމަވާ އެކަން އިޢުލާންކުރައްވާފައެވެ.
3 Responses
Rahyithumeehaa gedhorunehmeeha ah baraabarukame. Kaleymen bodethilaarigan’du nagaameehunah kamakunudhaane.
Rahyithumeehaa gedhorunehmeeha ah baraabarukame. Kaleymen bodethilaarigan’du nagaameehunah kamakunudhaane.
މިލިޔަނުން ޚަރަދުކޮށްގެން ބިން ހިއްކާ ހިލޭ އިންޑިޔާ މީހުންނަށް ދާންދެން ގޯތި ދިނުމަކީ ރިހޭ ފައިމައްޗަށް ކޯއްޗެއް ވެއްޓުން.މިކަހަލަ ބުރާންތި އަރާފަތިބޭމީހުން މިތިބެނީ.