ކުރީގެ ރައީސް އަދި އިދިކޮޅު ރިޔާސީ ކެނޑިޑޭޓް ރައީސް ޔާމީން ޖަލަށް ލައިގެން އުޅެނީ ސިޔާސީ ބޭނުމަށް ކަމުގައި މިސަރުކާރުގެ އެސްޓީއޯގެ ފުރަތަމަ މެނޭޖިންދ ޑިރެކްޓަރު ހުސެއިން އަމްރު ވިދާޅުވެއްޖެއެވެ.
ވ. އާރަށް މައްސަލައިގައި ކުރީގެ ރައީސް ޔާމީން 11 އަހަރަށް ޖަލަށްލާން ކްރިމިނަލް ކޯޓުން ކުރި ހުކުމުގެ އިސްތިއުނާފް މައްސަލަ ހައި ކޯޓުގައި މިހާރު ދަނީ ހިނގަމުންނެވެ. މިމައްސަލާގެ އަޑު އެހުމެއް މިއަދުވެސް ވަނީ ބާއްވާފައެވެ.
މިމައްސަލާގައި އަމްރު ވިދާޅުވީ ސިޔާސީ ވެރިން ޖަލަށް ލުމަކީ އެމްޑީޕީން ވެފައިވަ ވައުދާ މުޅިން ޚިލާފް ކަމެއް ކަމަށެވެ. ރައީސް ޔާމީން ޖަލަށް ލައިގެން އުޅެނީ ސިޔާސީ މަންފާތަކެއް ހާސިލް ކުރަންކަމަށް އަމްރު ވިދާޅުވިއެވެ. ރައީސް ޔާމީނަށް ރިޔާސީ އިންތިޚާބުގައި ވާދަނުކުރެ ގޮތް ހަދައި ޖަލުގައި ބޭއްވުމަކީ ތާއީދު ކުރާ ކަމެއް ނޫންކަމަށް ރައީސް ނަޝީދުގެ ދަ ޑިމޮކްރެޓްސްގައި އިސްކޮށް ހަރަކާތްތެރިވާ އަމްރު ވިދާޅުވިއެވެ.
ރައީސް ޔާމީން ޖަލުގަ ބަހައްޓަނީ ސިޔާސީ ބޭނުމަށް. މިކަމަކީ އެމްޑީޕީއިން 2018 ގަ ވީ ވައުދާ އަދި އެމްޑީޕީގެ އަސާސްތަކާ ޚިލާފުކަމެއް. ސިޔާސީ ބޭނުމަށް އެއްވެސް މީހަކު ޖަމުގަ ބަހައްޓައިގެން ނުވާނެ. އިންތިޚާބުގަ ވާދަ ނުކުރެވޭގޮތް ވެސް ހަދައިގެން ނުވާނެ.
– އަމްރު ވިދާޅުވިއެވެ.
ދަށު ކޯޓުގައި ފުއްގިރި މައްސަލަ ކުރިއަށް ދާއިރު، ވ އާރަށުގެ މުއާމަލާތާއި ގުޅުވާ ރައީސް ޔާމިނުގެ މައްޗަށް ކްރިމިނަލް ކޯޓުން ކުރި 11 އަހަރުގެ ޖަލުހުކުމުގެ އިސްތިއުނާފު ވެސް ވަނީ ހައިކޯޓުގައި ފެށިފައެވެ. އަދި މި ހަފްތާތެރޭ، އާރަށު މައްސަލައިގެ އަޑުއެހުމެއް ވެސް ބޭއްވުމަށް ވަނީ ހަމަޖެހިފައެވެ.
ޢަންނަ ސެޕްޓެމްބަރުމަހު ބާއްވާ ރިޔާސީ އިންތިހާބުގައި ޕީޕީއެމްގެ ކެނޑިޑޭޓެއްގެ ގޮތުގައި އެޕާޓީން ޓިކެޓް ދީފައިވަނީ ޔާމީނަށެވެ. ޢެހެންނަމަވެސް މިހާރު ޔާމީންގެ މައްޗަށް އިއްވާފައިވާ 11 އަހަރުގެ ޖަލުގެ ހުކުމާއި ގުޅިގެން ރިޔާސީ އިންތިހާބުގެ ވާދަކުރެއްވުމުގެ ފުރުސަތު ޔާމީނަށްވަނީ ހަނިވެފައެވެ.
