ފެމިލީ ކޯޓްގެ ގާޒީކަމަށް ކުރިމަތި ލުމަށް ހުޅުވާލި ފުރުސަތުގައި ގިނަ އަދަދެއްގެ ބޭފުޅުން ކުރިމަތި ލައްވައިފިއެވެ.
ޖުޑީޝަލް ސާވިސް ކޮމިޝަނުން އާއްމުކުރި މައުލޫމާތުން އެނގޭގޮތުގައި ފެމިލީ ކޯޓްގެ ގާޒީކަމަށް ކުރިމަތިލުމަށް މިމަހުގެ 9 ވަނަ ދުވަހު ހުޅުވާލި ފުރުސަތު އިއްޔެ ހަމަވިއިރު 25 ބޭފުޅަކުވަނީ ކުރިމަތިލައްވާފައެވެ.
އޭގެތެރޭގައި ހިމެނެނީ 14 އަންހެން ބޭފުޅަކާއި 11 ފިރިހެން ބޭފުޅެކެވެ. ފެމިލީ ކޯޓްގެ ގާޒީކަމަށް 25 ބޭފުޅަކު ކުރިމަތި ލެއްވިއިރު، 9 މެއިގެ އިއުލާނުގައި ވާގޮތުން އެކޯޓަށް ހޯދަނީ އެންމެ ގާޒީ އެކެވެ.
ފެމިލީ ކޯޓުގެ ޤާޟީންނަށް މުސާރައާއި އިނާޔަތްތަކާއެކު މަހަކު 46،000 ރުފިޔާ ލިބިވަޑައިގަންނަވާނެއެވެ.
ކޮމެންޓު ފޮނުވާ