ޒަވާޖީ ހަތާތް ކާމިޔާބު ވުމުގެ އަސާސަކީ އިޙުތިރާމް ކުރުން ކަމަށާއި، އާއިލާތައް ރޫޅެނީ ދެމަފިރިން އެކަކު އަނެކަކަށް އިހުތިރާމް ނުކުރުމުގެ ސަބަބުން ކަމުގައި މިއަދު ހުކުރު ޚުޡުބާގައި ވިދާޅުވެއްޖެއެވެ.
"އިޙްތިރާމް ކުރުން" މިމައުޟޫއަށް ޚާއްސަ ކުރެވިގެންދިޔަ މިއަދު ހުކުރު ޚުޡުބާގައި ވިދާޅުވި ގޮތުގައި، އިޙުތިރާމް ކުރާންޖެހޭ ފަރާތްތަކުގެ ތެރޭގައި އަނބިންނާއި ފިރިން ވެއެވެ.
މުސްލިމް އަޚުންނޭވެ! އިޙުތިތާމް ކުރުމުގެ ތެރޭގައި، އިޖުތިމާޢީ ގޮތުން އެއްބަޔަކު އަނެއްބަޔަކަށް އިޙްތިރާމް ކުރުން ހިމެނެއެވެ. ދީނީ ގޮތުން ފާހަގަ ކުރެވޭ މުނާސަބާތަކުގައި ތަހުނިޔާ ކިޔުމާއި، ހަދިޔާ ބަދިޔާ ބަދަލު ކުރުމާއި، ހިތާމަތަކުގައި ތަޢުޒިޔާ ކިޔައި، އުފަލާއި ހިތާމާގައި ބައިވެރި ވުމާއި، ދަތިކަމެއް ކުރިމަތިވުމުން އެކަމުން ސަލާމަތްވުމަށް އެހީވުމަކީ އިޙްތިރާމް ކުރުމުގެ ތެރޭގައި ހިމެނޭ ކަންތައްތަކެވެ.
މިއަދު ޚުޡުބާގައި ވިދާޅުވެފައި ވެއެވެ.
ޚުޡުބާގައި އިތުރަށް ވިދާޅުވި ގޮތުގައި، އިޙުތިރާމް ކުރުމުގެ ތެރޭގައި އެހެން މީހުންގެ ސިއްތުރައް ވަންހަނާ ކުރުންވެސް ހިމެނެއެވެ. މިގޮތުން މީހުންގެ ވާހަކަތައް ވަގަށް އަޑުއަހާ ފާޅުކުރުމާއި، މީހުންގެ ފޮޓޯތަކާއި ވީޑިއޯތައް އާންމުކުރުމަކީވެސް އިޙްތިރާމްގެ ދާއިރާއިން މުޅިން ބޭރު ކަންކަމެވެ.
މިގޮތުން ޖަލްސާތަކާއި ބައްދަލުވުން ތަކުގައި ހިނގާ ކަންތައްތަކާއި، ދެކެވޭ ވާހަކަތަކަކީވެސް އެއަށް އިޙްތިރާމް ކުރަންޖެހޭ ސިއްރުތަކެވެ.
މިޒަމާނުގައި އަހަރެމެންނަށް ފެންނަމުންދަނީ، ޖަލްސާތަކާއި ބައްދަލުވުންތައް ބޭއްވެމުން ދަނިކޮށް، އެ ތަންތަނުގައި ދެކެވޭ ވާހަކަތައް ފޭސްބުކާއި، ޓުވިޓަރުފަދަ މީސްމީޑިއާގެ އޮޅިތަކުގައި ހާމަވެގެންދާ ދަތެނެވެ. ކީތިރި ރަސޫލާ ހަދީސް ކުރައްވާފައިވާ ބަސްފުޅެއްގެ މާނާގައި ވެއެވެ. "މަޖްލިސްތަކަކީ އަމާނާތެކެވެ. ތިން ބާވަތެއްގެ މަޖްލީހެއް މެނުވީއެވެ. ޙަރާމް ގޮތުގައި ލޭ އޮހޮރުވޭ މަޖްލިސްތަކާއި، ފާޙިޝް ޢަމަލުތައް ހިންގޭ މަޖްލިސްތަކާއި، ޙައްޤަކާއިނުލައި މީހުންގެ މުދާ ކައިއުޅޭ މަޖްލިސްތަކެވެ.
ޚުޡުބާގައި ބަޔާން ކޮށްފައި ވެއެވެ.
ޚުޡުބާގައި ބަޔާން ކޮށްފައިވާ ގޮތުގައި އިޙްތިރާމް ކުރަންޖެހޭ ކަންތައްތަކުގެ ތެރޭގައި، ތިމާއާއި އެހެންމީހުންގެ ވަގުތުވެސް ހިމެނެއެވެ.
ވަގުތަކީ ޙަޔާތެވެ. ވަގުތަކީ ތިބާގެ ރައުސުލްމާލެވެ. ބުއްދިވެރިޔަކީ ވަގުތުގެ އަގު ދަންނަ މީހާއެވެ. އޭނާގެ ވަގުތުން ފަޅި ސިކުންތެއްވެސް ދުނިޔެއާއި އާޚިރަތަށް ފައިދާހުރި ކަމަކަށް މެނުވީ ހޭދަ ނުކުރާނެއެވެ.
އިހްތިރާމް ކުރުމުގެ މުހިންމުކަން ބަޔާން ކުރަމުން މިއަދުގެ ހުކުރު ޚުޡުބާގައި ވިދާޅުވެފައި ވެއެވެ.
