ރާއްޖޭގެ ތިމާވެށީގެ ހިމާޔަތުގައި އެއްވެސް ސަރުކާރަކުން ނުކުރާވަރަށް ތިމާވެއްޓަށް ގެއްލުން ދިނުމުން އެކި ފަރާތްތަށް ޖޫރިމަނާކޮށް، ގިނަ އަދަދެއްގެ ފައިސާ ލިބިފައިވާކަމަށް އެންވަޔަރަމަންޓް މިނިސްޓަރު އައިމިނަތު ޝައުނާ މިއަދު ވިދާޅުވެއްޖެއެވެ.
މިނިސްޓަރ މިހެން ވިދާޅުވީ މިސަރުކާރުން ތިމާވެށި ހިމާޔަތް ކުރުމަށް ކަމަށްބުވެ ކުރި ޖޫރިމަނާތަކުގެ އަދަދާއި، ހޯދުނު ފައިސާގެ ތަފްސީލް ހޯދުމަށް މާވަށު ދާއިރާގެ މެމްބަރު މުހައްމަދު ސައީދު ކުރެއްވި ސުވާލުގެ ޖަވާބުގައެވެ.
މިނިސްޓަރ ވިދާޅުވީ ސަރުކާރުގެ މިހަތަރު އަހަރުގެ ތެރޭގައި އެޗްޕީއޭގެ މިންގަނޑުތަކާއި ޚިލާފްވެގެން 40 މައްސަލަ އެއްގައި 600 މިލިޔަނަށް ވުރެގިނަ ރުފިޔާއިން ވާނީ ޖޫރިމަނާކޮށްފައި ވާކަމަށެވެ. އެފައިސާގެ ތެރެއިން މިހާތަނަށް ތިންބައިކުޅަ އެއްބައި ފައިސާވަނީ ލިބިފައިކަމަށެވެ.
މިއީ ދިވެހި ސަރުކާރުގެ ތާރީހުގައިވެސް ޖޫރިމަނާކޮށްގެން އަޅުގަނޑުމެންގެ ސަރުކާރަށް ހޯދުނު އެންމެ ގިނަ ފައިސާކަންވެސް އަޅުގަނޑު ޔަގީންކަމާއިއެކީގައި ދަންނަވަން.
– މިނިސްޓަރ ވިދާޅުވިއެވެ.
ސަރުކާރުން މަސައްކަތް ކުރަމުންދަނީ ރާއްޖޭގެ ވެށީގެން ރައްކާތެރިކަން ކަށަވަރުކޮށް ޤާނޫނާއި ޚިލާފަށް އަމަލުކުރާ ފަރާތްތައް ޒިންމާދާކުރުމަށް މިނިސްޓަރ ވިދާޅުވިއެވެ. އަދި މިމަސައްކަތުގައި ޤާނޫނުގައި ކަނޑައަޅާފައިވާ ޖޫރިމަނާތައް ކުރަންޖެހޭނަމަ އޮންނަ އުސޫލުން އެފަރާތަކާއިމެދު އަމަލު ކުރެވިގެންދާނެކަމަށް ޝައުނާ ވިދާޅުވިއެވެ.
One Response
ކުރީސަރުކާރުން ރައްޔިތުންނަެް ވަރަޒް އގާތެތި ރައްޔިތުށްގެ އަތުންނާތުލާ ހިކުމަތްތެރިކަމާއެކު ކުރީސަރުކާރު ކުރިޔަށްދިޔައީ މިހާރުއެހެންތަ ހުރިހާކަމަކަޒްވެސް އަދި.އިސްމީހުންގެޖީބުތައް ފުރައްވެސް ބޮޑުގުރޫޕުގޮވާގެން ގައުމުތަކަންފާންވެދް ރަށްޔިތުންގެޖީބުން.ނޫނީ.ފައިސާލިބޭކަމަކަންނަހަދާ