ފުވައްމުލަކުގައި މިއަދު ކުލަ ޖަހަން އުޅުނު ބައެއް ކައިރިން ސަލާމަތްވާން އުޅެނިކޮށް ސައިކަލާއެކު ވެއްޓި އަންހެނަކަށް ސީރިއަސް އަނިޔާތަކެއް ވެއްޖެއެވެ.
މައުލޫމާތު ލިބިފައިވާ ގޮތުގައި މިހާދިސާގައި އަނިޔާވެގެން ފަރުވާ ދެމުންދަނީ އުމުރުން 20 އަހަރުގެ ޒުވާނަކަށެވެ. މިއަދު ހަވީރު ހިނގި އެކްސިޑެންޓްގައި އަނިޔާވި އަންހެން މީހާގެ ބޮލަށް ވަނީ ސީރިއަސް އަނިޔާތަކެއް ލިބިފައެވެ. އިތުރު ފަރުވާއަށް އޭނާ މާލެ ގެނައުމުގެ މަސައްކަތް މިހާރު ކުރަމުން އެބަގެންދެއެވެ.
އޭނާ ހޮސްޕިޓަލަށް ގެންދިޔައިރު، ހޭ ނެތް ކަމަށް މައުލޫމާތު ލިބިފައިވެއެވެ. އަދި ހޮސްޕިޓަލަށް ގެންދިޔަ އިރުވެސް ނޭފަތުން ލޭ އަންނަމުންދިޔަ ކަމަށް މައުލޫމާތު ލިބެއެވެ.
މައުލޫމާތު ލިބިފައިވާ ގޮތުގައި މިހާދިސާ ހިނގީ އަންހެން މީހާ ސައިކަލުގައި ދުއްވާފައި ދަނިކޮށް، ބަޔަކު އޭނާގެ ގަޔަށް ކުލަ ފެން ޖަހަން އުޅުމުން އެކަމުން ރެކެން ވެގެން ދުއްވާލި ވަގުތު ސައިކަލު ކަހާލައިގެންނެވެ. މިހާދިސާއާއިި ގުޅޭ ތަފްސީލެއް އަދި ކަމާިއ ގުޅުންހުރި އިދާރާތަކުން ހާމަ ނުކުރެއެވެ.
