ނ. މަނަދޫގައި އަނިޔާވެރިކޮށް މަރާލާފައި އޮއްވައި ފެނުނު ނައީމާ މޫސާގެ މަރުގައި ފުލުހުންގެ ތަހުގީގް ޓީމުން ކުރަމުންދާ މަސައްކަތުން ގާތިލުން ހޯދައި މަރަށް އިންސާފު ހޯދޭނެ ކަމުގެ ޔަގީންކަން އެބައޮތް ކަމުގައި ކަމިޝަނާ އޮފް ޕޮލިސް މުހައްމަދު ހަމީދު ވިދާޅުވެއްޖެއެވެ.
ނައީމާ މަރާލާފައި އޮއްވައި މި މަހުގެ ހަތް ވަނަ ދުވަހު ފެނުނު ފަހުން އެ މައްސަލާގައި ފުލުހުން އެއްވެސް ވާހަކައެއް ނުދައްކަ އެވެ. އަދި މި މައްސަލާގައި މާގިނަ ތަފްޞީލެއް ވެސް ފުލުހުން ހާމަކޮށްފައެއް ނުވެއެވެ.
މިމައްސަލައާއި ގުޅިގެން ފުރަތަމަ ފަހަރަށް ސީޕީ ކުރެއްވި ޓުވީޓުގައި ވިދާޅުވީ މިހާރުވެސް ފުލުހުންގެ ތަހުގީގް ޓީމު ދަނީ މަނަދޫގައި ހަރަކާތްތެރިވަމުންކަމަށެވެ. މިމައްސަލާގައި ނައީމާގެ ގާތިލަކީ ކޮބައިކަން ދެނެގަނެ، މިތަހުގީގް ކާމިޔާބު ކަމާއިއެކު ކުރިއަށް ގެންދެވޭކަމުގެ ޔަގީންކަން އެބައޮތްކަމަށް ސީޕީ ވިދާޅުވިއެވެ.
ނާޢީމާގެ މަރުގެ ތަޙުޤީޤުކުރިއަށް ގެންދަނީ ހޮމިސައިޑް ނުވަތަ މަރާލާފައިވާ މީހެއްގެ ތަޙުޤީޤުގެ ގޮތުގައެވެ. އަދި ފުލުހުންގެ ސީރިއަސް އެންޑް އޮގަނައިޒްޑް ކްރައިމް ޑިޕާރޓްމަންޓްގެ ޚާއްޞަ ތަޙްޤީޤު ޓީމަކާއި، ފޮރެންސިކް ތަޙްޤީޤު ޓީމަކާއި ފޮރެންސިކް ޕެތޮލޮޖިސްޓެއް އަންނަނީ މަނަދޫގައި ޙަރަކާތްތެރިވަމުންނެވެ.
ނަޢީމާގެ މަރާ ގުޅިގެން، ފުލުހުންގެ ހުއްދަ ނެތި ރަށަށް މީހުން އަރައި ފޭބުމާއި، އަދި އުޅަނދުފަހަރު ރަށަށް ދަތުރުކުރުމުގަ އިވެސް ފުލުހުންގެ ހުއްދަ ނެތި ނުކުރުމަށް ވަނީ އަންގާފައެވެ. އަދިވެސް ޢަމަލުކުރަމުންދަނީ މިގޮތަށްކަމަށް މަނަދޫ ކައުންސިލުން ވިދާޅުވިއެވެ.
ސީޕީ ވަނީ މިމައްސަލާގައި ފުލުހުންގެ ތަހުގީގް ޓީމުން ކުރަމުން ކުރަމުންދާ މަސައްކަތްތަކަށް ތައުރީފް ކުރައްވައި އަދި ހުޅުމާލޭގައި ތޫނު އެއްޗަކުން ޙަމަލާދީ ޓެކްސީ ޑްރައިވަރު، ޤާސިމް ޙަސަން މަރާލުމުގެ ކުށް ސާބިތުވެފައިވާ ޅ. ހިންނަވަރު ބޮޑުހިޔާގޭ އަދުހަމް މުޙައްމަދު މަރަން ކްރިމިނަލް ކޯޓުން ކުރި ހުކުމުގައި ފުލުހުންގެ ތަހުގު ޓީމު ކުރިމަސައްކަތަށްވެސް ތައުރީފް ކުރައްވާފައެވެ.
