ރަމަޟާން މަހުގެ ފަހު ދިހައަކަށް އަމާޒުކޮށްގެން "އޭވް ރަމަޟާން ކުއިޒް" ގެ ނަމުގައި ދީނީ ސުވާލު މުބާރާތެއް ބޭއްވުމަށް އޭވްއިން ހަމަޖައްސައިފިއެވެ.
މި ކުއިޒް ކުރިއަށް ގެންދިއުމަށް ހަމަޖެހިފައިވަނީ އޭވްގެ އިންސްޓަގްރަމް ޕޭޖްގައެވެ. އަގުހުރި އިނާމުތަކާއެކު ކުރިއަށް ގެންދިއުމަށް ހަމަޖެހިފައިވާ މި މުބާރާތުގައި ރޯދަ މަހުގެ ފަހު ދިހައެއްގައި، ކޮންމެ ދުވަހަކަށް ސުވާލެއް އޮންނާނެއެވެ. ކޮންމެ ސުވާލަކަށް އަގުހުރި އިނާމެއް ހުށަހެޅިފައިވާއިރު، ޖަވާބު ފޮނުއްވާ ފަރާތްތަކުގެ ތެރެއިން ގުރުއަތުން ދިމާވާ ނަސީބުވެރި ފަރާތްތަކަށް އިނާމް ޙާސިލުކުރުމުގެ ފުރުޞަތު އޮންނާނެއެވެ.
ފަހު ދިހައެއްގެ ކޮންމެ ދުވަހެއްގައި، އޭވް އިންސްޓަގްރަމް ޕޭޖްގައި ސުވާލެއް ޕަބްލިޝްކުރަމުން ގެންދާނެއެވެ. ސުވާލުތަކުގެ ޖަވާބު ފޮނުވަންޖެހޭ ސުންގަޑިއަކީ، ފިޠުރު ޢީދު ދުވަހުގެ މެންދުރުފަހު 2:00 އެވެ. އަދި ނަސީބުވެރި ފަރާތްތައް ޢީދު ދުވަހުގެ ވަގުތެއްގައި އޭވް ގެ ސޯޝަލް މީޑިއާ ޕޭޖްތަކުގައި އިޢުލާން ކުރާނެ ކަމުގައި އެފަރާތުން މަޢުލޫމާތު ދެއެވެ. 10 އިނާމު ކަނޑައެޅިފައިވާ މި މުބާރާތުގައި ބައިވެރިވުމަށްޓަކައި، އޭވްގެ އިންސްޓަގްރަމް ޕޭޖް ފޮލޯކޮށްލުމަށްފަހު، ރަނގަޅު ޖަވާބުގެ އިނގިރޭސި އަކުރު ލިއުއްވާނީ، 3 ފަރާތެއް ޓެގްކޮށް، ޕޯސްޓްގެ ކޮމެންޓް ސެކްޝަންގައެވެ.
އޭވް އިން ރަމަޟާން މަހަށް ޚާއްސަކޮށްގެން ބާއްވާ މަދަހަ މުބާރާތެއް މިހާރު ކުރިއަށްދާއިރު، އެ މުބާރާތަށް ވަރަށް ބޮޑު ތަރުޙީބެއް ލިބެމުންދާކަން އޭވްއިން ހާމަކުރެއެވެ.
އޭވްއަކީ އެންމެ ފަހުގެ ބްރޭންޑަޑް ލެޕްޓޮޕާއި އިލެކްޓްރޯނިކްސް ލިބެން ހުންނަ އޮންލައިން ވިޔަފާރިއެވެ. އޭވް އިން އަމާޒު ހިފާފައިވަނީ ފެކްޓްރީ ބޮކްސްގައި ސީލްކޮށްފައިވާ އެކި ވައްތަރުގެ ބްރޭންޑް ނިއު، ހަމައެކަނި އޮރިޖިނަލް ލެޕްޓޮޕް ވިއްކުމަށެވެ. އޭވްގެ އޮފިޝަލް ވިދާޅުވީ، " މިސްރާބު ހުރީ ޔޫ.އެސް.އޭ އިން ސީދާ އިމްޕޯޓްކުރާ ލެޕްޓޮޕް ވިއްކުމަށް. އަދި 6 މަހުގެ ވޮރަންޓީއާއެކު ވީހާވެސް ހެޔޮ އަގެއްގައި ކަސްޓަމަރުންނަށް ލެޕްޓޮޕް ފޯރުކޮށްދިނުމަށް". އެގޮތުން، އޭވް އިން ވަނީ "އެންމެ އަގުހެޔޮ، ހަމަ އެކަނި އޮރިޖިނަލް ލެޕްޓޮޕް" ވިއްކާ ވިޔަފާރީގެ ގޮތުގައި ބްރޭންޑްކޮށްފައެވެ.
ކޮންމެ ވަގުތަކު ކޮންމެ ތަނެއްގައި ހުރެގެން އޯޑަރކުރާ ކޮންމެ ލެޕްޓޮޕެއް ފޮނުވައިދިނުމަށް އޭވް ޚާއްސަ އިސްކަމެއް ދެއެވެ. އެގޮތުން، މާލެ، ހުޅުމާލެ، ވިލިމާލެ، ވެލާނާ އެއަރޕޯޓް، ފެރީ އަދި ރަށު ބޯޓްފަހަރަށް، ގުޅާލި ކޮންމެ ވަގުތެއްގައި ލެޕްޓޮޕް ހިލޭ ޑެލިވަރކޮށް ދެމުންދާކަމަށް އޭވް އިން މައުލޫމާތު ދެއެވެ. އެގޮތުން، ރާއްޖޭގެ އެކި ކަންކޮޅުތަކުންނާއި ރިޒޯޓްތަކުން ވަރަށް ބޮޑު ތަރުޙީބެއް ލިބުންދާ ކަމަށް އެ ފިހާރައިން ބުނެއެވެ.
